00:00:00 IGIHE NETWORK KN KINYARWANDA EN ENGLISH FR FRANCAIS

Tariki ya 29 Mutarama

Yanditswe na

Deus Ntakirutimana

Kuya 29 January 2022 saa 06:00
Yasuwe :

Tariki ya 29 Mutarama ni umunsi wa 29 w’umwaka ubura iminsi 336 ngo ugere ku musozo.

904: Serge III yambitswe ikamba rya Papa wa 119 wa Kiliziya Gatolika.

1630: Habaye umubonano wa Richelieu washinze Inteko y’Umuco y’Ururimi rw’Igifaransa na Mazarin.

1676: Fédor III yagiye ku Bwami bw’u Burusiya nyuma y’urupfu rwa se Alexis.

1795: Muri Leta Zunze Ubumwe za Amerika hatangiye itegeko ryo kwemerera abahamaze imyaka itanu kubona ubwenegihugu bwazo.

1814: Mu Bubiligi Napoléon yatsindiye ahitwa i Brienne.

1841: Amato y’Abongereza yafashe Ikirwa cya Hong Kong, ibitero byakomereje mu Bushinwa ahitwa Amoy (Xiamen), Ningbo na Shanghai, yanabategetse ubucuruzi bw’ikiyobyabwenge cya opium.

1849: Mu myigaragambyo yabaye mu Bufaransa y’abatari bishimiye ubutegetsi bwa Louis-Napoléon yahagaritse abayobozi 27 b’abanyamisozi mu Bufaransa (montagnards).

1861: Leta ya Kansas yabaye iya 34 ya Leta Zunze Ubumwe za Amerika.

1919: Tchécoslovaques yatsinze Pologne ahitwa i Galicie mu Ntambara ya Mbere y’Isi.

1946: C.I.A yasimbuye O.S.S. muri Leta Zunze Ubumwe za Amerika.

1947: Leta Zunze Ubumwe za Amerika yahakanye kuba umuhuza w’u Bushinwa.

1949: U Bwongereza bwamenye leta nshya ya Israel.

1950: Muri Afurika y’Epfo hagaragaye ibikorwa by’ihohotera mu cyitwaga ‘apartheid’, irondaruhu ryo muri Afurika y’Epfo ryarwanyijwe na Nelson Mandela.

1950: Muri Iran kandi muri uyu mwaka umutingito w’Isi wahitanye abantu basaga ibihumbi bitatu.

1986: Yoweri Museveni wari Umuyobozi w’Ingabo zitwaga NRA yabaye perezida nyuma yo gutsinda intambara muri iki gihugu.

1987: William Casey yavuye ku murimo wo kuba Umuyobozi w’Ibiro by’Ubutasi bya Amerika (CIA).

2006: Jacques Chirac wari Perezida w’u Bufaransa yategetse ko tariki ya 10 Gicurasi buri mwaka hazajya hibukwa abirabura baguye mu itotezwa ry’abirabura bajyanwa mu bucakara n’ubucuruzi bwahuzaga imigabane itatu ari yo kuvana abirabura muri Afurika bakajya guhinga ibisheke n’ibindi muri Amerika nyuma bakabijyana mu Burayi (Commerce Triangulaire).

1635: Hashinzwe Inteko y’Ururimi n’Umuco by’Igifaransa na Cardinal Richelieu bisabwe n’Umwami Louis XIII. Yatangiranye n’abamenyi 40 bazwi ku izina ry’Abadapfa (immortels).

1886: Injeniyeri Carl Benz ukomoka mu Budage yakoze imodoka ya mbere ikoresha lisansi.

1986: Uruganda rw’imodoka rwa Mercedes rwizihije imyaka 100 rumaze.

Bimwe mu bihangange byabonye izuba kuri iyi tariki

1843: William McKinley wabaye Perezida wa 25 wa Leta Zunze Ubumwe za Amerika hagati 1897-1901.

1866: Romain Rolland, umwanditsi w’Umufaransa yahawe Igihembo cya Nobel mu Buvanganzo mu 1915.

1926: Abdus Salam, wahawe Igihembo cya Nobel mu Bugenge mu 1979.

1945: Ibrahim Boubacar Keïta, wigeze kuba Minisitiri w’Intebe wa Mali.

1954: Oprah Gail Winfrey yavukiye i Kosciusko (Mississippi). Ni umunyamakuru mu Ishami ry’Ibiganiro kuri Televiziyo yo muri Amerika akaba n’umukinnyi wa filime, akaba yarabaye umwe mu bantu bakomoka muri Afurika na Amerika (Afro-Americaine) wakize cyane mu kinyejana cya 21, anamenyekana nk’umwirabura w’igitsinagore muri Afurika ukize cyane kurusha abandi ku Isi nkuko byatangajwe na "Forbes Magazine". Oprah anamenyereweho kuyobora ibiganiro bikurikiranywa cyane kuri televiziyo kandi byinjiza amafaranga menshi.

Uyu mugore kandi ni nawe mugore unafite Ishuri muri Afurika y’Epfo ryitwa "Oprah Winfrey Leadership Academy" kandi n’umwe mu batumye habaho impinduka mu bantu kubera ibiganiro mpaka ayobora bizwi mu Cyongereza nka Talk show The Oprah Winfrey Show. Hagati mu 1990, Oprah yatekereje gushyiraho ibyo biganiro mu nzego zikurikira harimo Iterambere ry’abaturage, Imyemerere n’ibyiyumviro ku bijyanye n’iby’umwuka.

1966: Romário, uwahoze ari umukinnyi w’umupira w’amaguru ukomoka muri Brésil utarabashije gukina ibikombe by’Isi byakurikiye icyo mu 1998. Hari nyuma y’uko agaragayeho imyitwarire itari myiza ashaka kurwana n’umutoza we.

Bimwe mu bihangange byatabarutse kuri iyi tariki

1119: Gélase II, papa

1743: André Hercule de Fleury, umunyapolitiki wo mu Bufaransa akaba yari n’umujyanama wa Louis XV.

1820: George III du Royaume-Uni, Umwami w’ibihugu by’ubwami bw’u Bwongereza.

1906: Christian IX, umwami wa Danemark.

1934: Fritz Haber, umuhanga mu butabire ukomoka mu Budage wahawe Igihembo cyitiriwe Nobel mu butabire mu 1918.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .