00:00:00 IGIHE NETWORK KN KINYARWANDA EN ENGLISH FR FRANCAIS

Tariki ya 28 Ukuboza

Yanditswe na

Deus Ntakirutimana

Kuya 28 Ukuboza 2022 saa 06:30
Yasuwe :

Tariki ya 28 Ukuboza ni umunsi wa 362 w’umwaka usigaje itatu ngo ugere ku musozo.

1058: Habaye amatora ubwo Papa Nicolas II yatorerwaga kuyobora Kiliziya Gatolika.

1308: Hatangiye Ubwami bwa Hanazono, Umwami w’Abami w’u Buyapani.

1767: Jenerali Taksin yambitswe ikamba ry’Ubwami bwa Thaïlande.

1822: Chateaubriand yagizwe Minisitiri w’Ububanyi n’Amahanga ngo aharanire politiki nyayo mu bwami butagatifu bw’abishyize hamwe (Sainte-Alliance).

1832: John Caldwell Calhoun wari ushyigikiye ko ubucakara bugumaho wabaye Visi Perezida wa Amerika yeguye ku mwanya we.

1908: Messine yasenywe n’umutingito wishwe abantu basaga ibihumbi 80.

1917: Abagore mu Bwongereza bahawe uburenganzira bwo gutora.

1929: Umunsi wiswe uwa Gatandatu w’umukara, ubwo abapolisi ba Nouvelle-Zélande barasaga abigaragambyaga badafite intwaro ahitwa Apia.

1942: Umujyi wa Calcutta warashweho n’Ingabo z’u Buyapani.

1950: Ingabo z’u Bushinwa zateye Koreya.

1962: Ingabo za Loni zarwanye n’abigarambyaga bari i Katanga muri Zaïre.

1981: Ni bwo herekanywe ku mugaragaro ivuka ry’umwana wasamiwe hanze y’umubiri w’umuntu (bébé-éprouvette) muri Amerika i Norfolk muri Leta ya Virginie.

1985: Hasinywe amasezerano i Damas hagati y’abayobozi batatu bari bayoboye ingabo harimo abakirisitu, abashiite n’abaduruze muri Liban.

1987: Papa Jean-Paul II yatoreye Umunye-Palestine Michel Sabbah, Umuyobozi w’Ikilatini i Yeruzalemu.

1993: Batayo ya Gatatu y’Ingabo za RPA (abasirikare 600) yageze i Kigali muri CND, mu rwego rwo gushyira mu bikorwa amasezerano ya Arusha.

1994: Uwari Umuyobozi w’Ibiro by’Ubutasi muri Amerika (CIA), James Woolsey, yareguye nyuma y’ikibazo cy’ubutasi cya Aldrich Ames.

1997: Mu gihe icyorezo cy’ibicurane by’ibiguruka cyahitanaga abantu bane muri Hong Kong, muri iki gihugu hishwe inkoko zisaga miliyoni n’ibihumbi 300.

2001: Pascal Lissouba wabaye Perezida wa Congo Brazaville yakatiwe imyaka 30 yo gukora imirimo ivunanye kubera kugambanira igihugu no kunyereza inkunga cyahabwaga.

2007: Benazir Bhutto wari Minisitiri w’Intebe muri Pakistan yarahambwe nyuma y’iminsi yiciwe hafi y’Umujyi wa Larkana.

2008: Hassan Ngeze wagize uruhare mu ishingwa rya Radiyo RTLM yasakaje amacakubiri mu Banyarwanda ikanabashishikariza gukora Jenoside yakorewe abatutsi mu 1994, yoherejwe gukorera igifungo cye muri Mali nyuma gukatirwa igifungo cy’imyaka 35.

2011: Habaye imihango yo gushyingura Kim Jong-il wa Koreya ya Ruguru.

Bimwe mu bihangange byavutse kuri iyi tariki

1164: Rokujō wabaye Umwami w’Abami w’u Buyapani.

1849: Herbert von Bismarck, Umunyepolitiki wayoboye Prusse.

1856: Henri de Mérode-Westerloo, Umunyepolitiki ukomoka mu Bubiligi
Woodrow Wilson, Perezida wa 28 wa Leta Zunze Ubumwe za Amerika.

1924: Milton Obote wahoze ari Perezida wa Uganda.

1936: Jacques Mesrine, umwicanyi w’Umufaransa.

1937: Jorge Nuno Pinto da Costa wabaye Perezida wa FC Porto kuva mu 1982.

1944: Kary Mullis, Umuhanga mu Binyabuzima n’Ubutabire wahawe Igihembo cyitiriwe Nobel mu Butabire.

1945: Birendra Bir Bikram Shah Dev, Umwami wa Nepal.

Bimwe mu bihangange byatabarutse kuri iyi tariki

1446: Clément VIII warwanyaga ubupapa.

1622: Mutagatifu François de la Sales.

1694: Marie II d’Angleterre, Umwamikazi w’u Bwongereza.

1947: Victor-Emmanuel III wabaye Umwami w’u Butaliyani; Umwami w’Abami wa Ethiopia akaba n’Umwami wa Albanie.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .