00:00:00 IGIHE NETWORK KN KINYARWANDA EN ENGLISH FR FRANCAIS

Tariki ya 27 Ukuboza

Yanditswe na

Deus Ntakirutimana

Kuya 27 Ukuboza 2022 saa 08:05
Yasuwe :

Tariki ya 27 Ukuboza 2013 ni umunsi wa 361 w’umwaka ubura iminsi ine ngo ugere ku musozo.

537: Bazilika ya Mutagatifu Sophie yari mu Bwami bwa Constantinople yahawe umugisha, ubu iyi bazilika iri Istanbul muri Turikiya, yabaye umusigiti ufite izina ry’umutagatifu. iyi bazilika yabaye umusigiti mu kinyejana cya 15 imaze kwigarurirwa na Sultan Mehmed II, kuri ubu ntusengerwamo ahubwo ni inzu ndangamurage.

1206: Mutagatifu Dominique na Diego d’Osma bashinze urugo rusengerwamo ahaje kuvuka umuryango w’abihayimana w’Abadominikani.

1594: Henri IV yacitse igitero cyari kigamije kumwivugana cyayobowe na Jean Châtel.

1793: Jenerali Lazare Hoche wari uyoboye Ingabo Rhin na Moselle yatsinze ingabo za Autriche na Prusse mu ntambara ya Wissembourg.

1794: Ingabo z’u Bufaransa zo mu gihe cy’impinduramatwara zigaruriye u Buholandi.

1805: Napoléon I Bonaparte yafashe umuvandimwe we Joseph amugira Umwami wa Naples.

1934: Ubwami bwa Perse bwatangiye kwitwa Iran.

1939: Umutingito w’Isi wiswe Erzincan watumye hapfa abantu basaga ibihumbi 30 muri Turikiya.

1944: Hashyizwe akadomo ku ntambara y’Aba-Ardennes aho Ingabo z’Abasoviyete zari zishyigikiye impinduramatwara zafashe Budapest.

1945: Ibitero bikaze cy’abatuye Siyoni byagabwe ku Bongereza bari bigaruriye Palestine.

Muri uyu mwaka kandi hashinzwe Banki y’Isi mu masezerano yasinywe n’ibihugu 28.

Muri uyu mwaka Koreya yigabanyijemo ibihugu bibiri.

1964: Guverinoma yari iya Congo-Léopoldville yareze abasirikare bari bavuye muri Algeria n’abo muri Repubulika yishyize hamwe y’Abarabu mu gushyikira umutwe w’inyeshyamba washakaga gutera iki gihugu.

1966: Ingabo z’u Bushinwa zisaga ibihumbi 10 zahuriye i Pékin, zihakana perezida wari uriho Liu Shaoqi mu 1969.

1972: Australie yasoje ibikorwa byayo byo gufasha ingabo za Vietnam y’Epfo.

1979: Ingabo zari zigize Umuryango w’Ubumwe bw’Abarabu zigaruriye Afghanistan, Perezida Hafizullah Amin aricwa asimburwa na Babrak Karmal.

1989: Ibitero ku Kibuga cy’Indege cya Roma na Vienne byahitanye abantu 18, abandi barakomereka.

1998: Muri Kosovo, nubwo OTAN na OSCE, iyi mitwe yombi yari yagiyeyo gucunga umutekano, Slobodan Milošević wakurikiranweho kwica Abanyakosovo yagabye ibitero ku ngabo zitwaga UCK zari zigamije kubohoza Kosovo.

2007: Benazir Bhutto wahoze ari Minisitiri w’Intebe wa Pakistan yiciwe i Rawalpindi.

Bimwe mu bihangange byavutse kuri iyi tariki

1166: Jean sans Terre, Umwami w’u Bwongereza.

1556: Mutagatifu Jeanne wa Lestonnac, umubikira washinze Umuryango w’incuti z’umubyeyi.

1822: Louis Pasteur wagize uruhare rugaragara mu buvuzi bugezweho akaba Umufaransa wakoze byinshi mu binyabuzima n’ubutabire.

1915: William Masters, Umuhanga mu bumenyi bw’ibitsina ukomoka muri Amerika.

1951: Ernesto Zedillo Ponce de León, Perezida wa Mexique hagati ya 1994 na 2000.

1988: Hayley Williams, umuririmbyikazi ukomoka muri Amerika.

Bimwe mu bihangange byatabarutse kuri iyi tariki

418: Zosime, umuhanga mu mateka ukomoka mu Bugereki.

1076: Sviatoslav II, Igikomangoma Gikuru cya Kiev.

1923: Gustave Eiffel, umwubatsi w’Umufaransa wubatse Umunara wa Eiffel uzwi nk’ikirango cy’u Bufaransa, ufite metero 312 z’uburebure wamaze imyaka 41 ari cyo gihangano gisumba ibindi ku Isi.

1972: Lester B. Pearson, Minisitiri w’Intebe wa 14 wa Canada wahawe Igihembo cyitiriwe Nobel mu guharanira amahoro mu 1957.

1979: Hafizullah Amin, Perezida wa Afghanistan.

2007: Benazir Bhutto, umugore w’Umunyapolitiki wari Minisitiri w’Intebe wa Pakistan yarishwe.

2012: Norman Schwarzkopf, umujenerali w’Umunyamerika.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .