Tariki 27 Nyakanga

00:00:00 IGIHE NETWORK

KINYARWANDA

ENGLISH

FRANCAIS

Tariki 27 Nyakanga

Yanditswe na

Dues Ntakirutimana

Kuya 27 July 2022 saa 06:00

Yasuwe :

Yavuzweho:

Tariki ya 27 Nyakanga ni umunsi wa 208 w’umwaka. Uyu mwaka urabura iminsi 157 ngo ugere ku musozo.
Bimwe mu byaranze iyi tariki mu mateka
1214: Philippe II w’u Bufaransa yatsinze umwami Jean w’u Bwongereza mu ntambara yabereye i Bouvines yahuzaga ibyo bihugu byombi.
1605: Abafaransa babaye Abanyaburayi ba mbere binjiye mu cyabaye ubu igihugu cya Canada aho bahise bafungura ubwami bw’Abafaransa.
1675: Urupfu rwa Mareshali wa Turenne mu ntambara ya Salzbach mu Budage yagejeje ku (...)

Tariki ya 27 Nyakanga ni umunsi wa 208 w’umwaka. Uyu mwaka urabura iminsi 157 ngo ugere ku musozo.

Bimwe mu byaranze iyi tariki mu mateka

1214: Philippe II w’u Bufaransa yatsinze umwami Jean w’u Bwongereza mu ntambara yabereye i Bouvines yahuzaga ibyo bihugu byombi.

1605: Abafaransa babaye Abanyaburayi ba mbere binjiye mu cyabaye ubu igihugu cya Canada aho bahise bafungura ubwami bw’Abafaransa.

1675: Urupfu rwa Mareshali wa Turenne mu ntambara ya Salzbach mu Budage yagejeje ku musozo uruhererekane rw’intsinzi zitandukanye z’Abafaransa, mu gutsinda ibihugu byari byishyize hamwe mu ntambara byarwanaga n’u Bufaransa.

1794 : Mu mpinduramatwara yabaye mu Bufaransa yatangiye mu 1789, abagabo babiri bari bakomeye ari bo Maximilien de Robespierre baratsinzwe barafatwa bafungwa n’amatsinda atandukanye yahataniraga kujya ku butegetsi muri iki gihugu.

1795: Espagne yasinye amasezerano y’amahoro hamwe n’u Bufaransa bwanabasubije igice cy’ikirwa cya Hispaniola bwari bwarigaruriye.

1839: Habaye intambara y’ibiyobyabwenge hagati y’u Bushinwa n’u Bwongereza nyuma y’uko u Bushinwa bufashe ibiyobyabwenge byavaga mu Bwongereza bukabyangiza.

1884: Gutandukana byatangiye mu Bufaransa hagati y’abashakanye.

1909: Orville Wright ukomoka muri Amerika yaciye agahigo ko kumara mu ndege mu kirere mu gihe cy’isaha imwe n’iminota 12 byabereye mu kirere cya Virginie.

1915: Habaye impinduramatwara muri Haïti.

1953: Muri Koreya hasinywe amasezerano y’amahoro yashyize akadomo ku ntambara yahuzaga Koreya n’u Buyapani.

1954: Misiri n’ibihugu by’u Bwongereza byumvikanye ku gusubiza ubunigo bwa Suez Misiri bwari bumaze imyaka 72 mu biganza by’Abongereza.

1965: Indege za Amerika zatangiye urugamba rwazo rwo gutera za misile mu Majyaruguru ya Vietnam.

1985: Perezida Milton Obote yavanywe ku butegetsi bwa Uganda aho Gen. Tito Okello yahise aba Umukuru w’Igihugu nyuma y’iminsi ibiri.

2012: Hatangijwe imikino Olempike y’umwaka wa 2012.

Bimwe mu bihangange byavutse kuri iyi tariki

1768: Charlotte Corday (Charlotte de Corday d’Armont), wamenyekanye nyuma yo kwicira aho yogeraga uwo mu bwoko bw’abanyamisozi mu Bufaransa, Jean-Paul Marat umwe mu bayobozi bakomeye muri icyo gihe.

1979: Sidney Govou, umukinnyi mpuzamahanga w’umupira w’amaguru mu Bufaransa.

Bimwe mu bihangange byatabarutse kuri iyi tariki

432: Célestin I, Papa kuva muri 422

1844 : John Dalton, umuhanga mu butabire no mu bugenge ukomoka mu Bwongereza.

Zimwe mu ndirimbo zakunzwe muri Amerika

1977: Andy Gibb - I Just Want To Be Your Everything

1976: The Manhattans - Kiss And Say Goodbye

1975: Van McCoy - The Hustle

1974: John Denver - Annie’s Song

1973: Jim Croce - Bad, Bad Leroy Brown

1972: Gilbert O’Sullivan - Alone Again (Naturally)

1971: James Taylor - You’ve Got A Friend