Turi ku wa 27 Kamena 2026.

Ni Umunsi Mpuzamahanga w’Imishinga Mito n’Iciriritse (SMEs).

Ibi ni bimwe mu byaranze uyu munsi mu mateka

1962: Loni yafashe umwanzuro wemeza ubwigenge bw’u Rwanda ukwarwo n’u Burundi ukwabwo.

2025: I Washington D.C muri Amerika, U Rwanda na RDC byashyize umukono ku masezerano y’amahoro, hagamijwe gushakira umuti ikibazo cy’umutekano muke wari umaze igihe mu Burasirazuba bwa RDC.

1994: Abasirikare b’Abafaransa bageze mu Bisesero bituma Abatutsi baho bari bataricwa bibwira ko barokotse, icyakora si ko byagenze kuko bahise babahururiza Interahamwe n’Abasirikare b’Inzirabwoba.

2022: Minisitiri w’Intebe wa Singapore, Lee Hsien Loong, yagiriye uruzinduko mu Rwanda, rwabaye urwa mbere agiriye mu gihugu no ku mugabane wa Afurika.

2024: Joe Biden wayoboraga Amerika yagiranye ikiganiro mpaka cy’amateka na Donald Trump bahataniraga kongera kuyobora icyo gihugu, ikiganiro cyaviriyemo uyu mukambwe kuvanamo ake karenge ava mu byo kwiyamamaza.

Mu muziki

1988: Michael Jackson yakoreye igitaramo cy’amateka i Paris mu Bufaransa muri Stade ya Parc des Princes, igitaramo cyitabiriwe n’ababarirwa hagati y’ibihumbi 95 n’ibihumbi 100.

Abavutse

1951: Mary McAleese wabaye perezida wa muunani wa Irlande.

1984: Havutse Khloé Kardashian umenyerewe mu biganiro by’uruhererekane kuri Television bizwi nka “Keeping Up with the Kardashians”.

Abapfuye

2014: Leslie Manigat wayoboye Haiti.

2024: Kinky Friedman, umuhanzi mu njyana ya American Country Music.