Tariki ya 26 Mata ni umunsi wa 116 w’umwaka usanzwe. Hasigaye iminsi 249 uyu mwaka ukagera ku musozo.

Kuri iyi tariki hizihizwa Umunsi Mpuzamahanga w’umutungo mu by’ubwenge (World Intellectual Property Day) kuva mu 2001.

Muri Tanzania bizihiza Umunsi w’Ubumwe (Union Day).

Bimwe mu byaranze uyu munsi mu mateka

1805: Ingabo zirwanira mu mazi za Leta Zunze Ubumwe za Amerika zafashe icyambu cya Derne n’umujyi wa Tripoli mu ntambara ya mbere ya Barbary yari iyobowe na Lieutonant Presley O’Bannon.

Iyi ntambara yabaye mu mwaka wa 1801 irangira mu mwaka wa 1805, ni intambara ya mbere yahuje Leta Zunze Ubumwe za Amerika n’Abayisilamu bo muri Afurika y’Amajyaruguru b’aba Beriberi bigenganga. Barimo ab’i Tripoli na Algeria.

1928: Mu mujyi wa Los Angeles hatashywe inzu y’ibiro bikoreramo umuyobozi w’uwo mujyi.

1942: Mu Bushinwa abantu 1549 baguye mu mpanuka y’ikirombe cya Benxihu bacukuragamo amabuye yagaciro.

Benexi ni ikirombe cyacukuwemo bwa mbere mu mwaka wa 1905, kigenzurwa n’Abayapani ndetse n’Abashinwa, gusa uko iminsi yagiye ihita cyaje kujya mu maboko y’Abayapani.

1954: I Genève habereye inama igamije kugarura amahoro hagati ya Koreya na Indochine (agace gaherereye mu Majyepfo ya Aziya gahuza igihugu cy’u Bushinwa n’u Buhinde) .

1963: Libya yahinduye itegeko nshinga ryari rizwi nka United Kingdom of Libya, rihindukamo Kingdom of Libya.

1964: Tanganyika yishyize hamwe na Zanzibar bikora Tanzania.

Zanzibar ni agace gaherereye mu Burasirazuba bwa Afurika, ikaba igizwe n’ibirwa bibiri binini aribyo Unguja ari cyo kirwa gifatwa cyane nka Zanzibar ndetse n’ikirwa kindi cya Pemba. Tanganyika nayo iherereye mu Burasirazuba bwa Afurika, ikaba iri hagati y’inyanja y’u Buhinde n’ibiyaga bigari bya Afurika aribyo Victoria, Nyasa na Tanganyika.

1986: Bwa Mbere mu mateka, Muganga Michael R.Harrison wo muri Kaminuza ya California, mu mujyi wa San Francisco yabashije gukora icyo bita ’Fetal surgey’.

1986: Habaye impanuka ikomeye mu ruganda rutunganya amashanyarazi rukoresheje ibinyabutabire bizwi nka Nuclear chemical elements, iyi mpanuka ikaba yarabereye muri Ukraine mu ruganda rw’i Chernobyl.

1944: Indege y’u Bushinwa yitwa China Airlines Flight 140, yakoreye impanuka mu gihugu cy’u Buyapani, ku kibuga cy’indege cya Nagoya maze abantu 264 bahasiga ubuzima abandi 271 barakomereka.

2018: Loni yatangaje ko hatahuwe imva rusange eshanu mu gace ka Blukwa na Maze/Waliba muri Ituri muri Repubulika Iharanira Demokarasi ya Congo

2016: Abantu babarirwa mu icumi biciwe mu bitero byo muri Alepo byari bihanganyemo ingabo za leta n’abatavuga rumwe n’ubutegetsi mu ntambara ya gisivile muri Syria.

2012: Uwahoze ari Perezida wa Liberia, Charles Taylor yahamwe n’ibyaha by’intambara n’ibyibasiye inyokomuntu mu ntambara ya gisivile muri Sierra Leone.

Ibitabo byakunzwe

’Spring Collection’ cyanditswe na Judith Krantz mu 1996

’High Jinx’ cya William F. Buckley Jr mu 1986

’The Boys From Brazil’ cya Ira Levin mu 1976

’The Mosquito Coast’ cya Paul Theroux mu 1982

’Tuesday The Rabbi Saw Red’ cya Harry Kemelman mu 1974

Bamwe mu bavutse kuri iyi tariki

1648: Umwami Petero II wa Portugal.

1966: Chris Perry, umukinnyi w’umupira w’amaguru ukomoka mu Bwongereza.

Bamwe mu batabarutse uyu munsi

1957 : Gichin Funakoshi.

Uyu mugabo niwe wahimbye umujyo w’imikino njyarugamba wa Shotokan Karate-do ibarizwa mu rwego rwa karate.

1969 : Morihei Ueshiba, Umuyapani wakinaga imikino njyarugamba ari na we washinze undi mukino njyarugamba witwa aikido.