00:00:00 IGIHE NETWORK KN KINYARWANDA EN ENGLISH FR FRANCAIS

Tariki ya 23 Mata

Yanditswe na

IGIHE

Kuya 23 April 2022 saa 07:24
Yasuwe :

Tariki ya 23 Mata ni umunsi wa 113 mu minsi igize umwaka, hasigaye iminsi 252 uyu mwaka ukagera ku musozo.
Bimwe mu byaranze uyu munsi mu mateka
Mu Rwanda
2019: Umutwe wa MRCD wa Paul Rusesabagina wigambye ko igisirikare cya FLN kiwushamikiyeho cyamaze kugera mu ishyamba rya Nyungwe, aho abanyarwanda batakarije ubuzima abandi bakahavana ubumuga kubera wo.
1994: Hishwe abatutsi benshi bajugunywa mu cyuzi cya Nyamagana.
1994: Mu gihe Jenoside yari irimbanyije, ingabo za RPA zatangaje ko (...)

Tariki ya 23 Mata ni umunsi wa 113 mu minsi igize umwaka, hasigaye iminsi 252 uyu mwaka ukagera ku musozo.

Bimwe mu byaranze uyu munsi mu mateka

Mu Rwanda

2019: Umutwe wa MRCD wa Paul Rusesabagina wigambye ko igisirikare cya FLN kiwushamikiyeho cyamaze kugera mu ishyamba rya Nyungwe, aho abanyarwanda batakarije ubuzima abandi bakahavana ubumuga kubera wo.

1994: Hishwe abatutsi benshi bajugunywa mu cyuzi cya Nyamagana.

1994: Mu gihe Jenoside yari irimbanyije, ingabo za RPA zatangaje ko zihagaritse imirwano kugira ngo zirebe ko ubwicanyi bwahagarara ariko icyo cyemezo giteshwa agaciro na Leta yakoraga Jenoside.

1980: Major Lizinde yatawe muri yombi ashinjwa gushaka guhirika ubutegetsi bwa Habyarimana

1597: Hamuritswe hanakinwa inkuru yitwa “The Merry Wives of Windsor” y’umwanditsi w’Umwongereza, William Shakespeare, umuhango wari witabiriwe n’Umwamikazi, Elisabeth I.

1635: Bwa mbere, muri Leta Zunze Ubumwe za Amerika mu Mujyi wa Boston hatangijwe ishuri ryigiramo abantu bose babyifuza ( public school) ryitwa Boston Latin School.

1660: Hashyizwe umukono ku masezerano y’i Oliwa, hagati y’igihugu cya Sweden na Poland.

1661: Umwami Charles II w’u Bwongereza, Scotland na Poland, yambitswe ikamba ry’Ubwami, iyi mihango yabereye ahitwa Westminster Abbey.

1789: Muri Leta Zunze Ubumwe za Amerika, Perezida wari waratowe, George Washington yimukiye mu nyubako izwi nka “Franklin House” i New York.

1921: Charles Paddock yashyizeho agahigo k’isi abasha kwiruka metero 100 mu masegonda 10.4.

1941: Mu ntambara ya Kabiri y’Isi, ingabo z’Ubugereki zamanitse amaboko imbere y’iz’u Budage maze umwami w’u Bugereki, George II ahungira mu Misiri.

1948: Mu ntambara ya Israel n’Abarabu, icyambu kinini cya Israel cyambuwe Abarabu.

1949 : Mu ntambara y’abasivile mu Bushinwa, bwatangije igisirikare cyo mu mazi cyiswe People’s Liberation Army Navy.

1965: Hamuritswe ku mugaragaro icyogajuru cya mbere cy’Aba-Soviet mu by’itumanaho.

1985: Kompanyi ya Coca-Cola yahinduye uburyo yakoraga ikinyobwa cyayo cya Coca-Cola, ubu buryo bwari buzwi nka New Coke.

New coke yakoze imenyekanisha ryo guhindura uburyo yakoraga ikinyobwa cyayo, nubwo abakiriya benshi bishimiraga uburyohe bw’ubu buryo bwa New Coke kurenza ubwitwa Pepsi na Coke gusa.

Kompanyi ya Coca-Cola ni kompanyi ikora ikanacuruza ibinyobwa bidasindisha, ikorera mu bihugu birenga 200. Coca-Cola ifite icyicaro gikuru i Antlanta, muri Leta ya Georgia, ikaba yaratangiye imirimo yayo mu mwaka wa 1944, mu kwezi kwa Werurwe tariki 27.

1990: Namibia yabaye umunyamuryango wa 160 w’Umuryango w’Abibumbye, iba kandi umunyamuryango wa 50 w’ibihugu by’Umuryango ukoresha ururimi rw’Icyongereza (Commonwealth of Nations).

1995: Perezida wa Leta Zunze Ubumwe za Amerika, Bill Clinton yatangaje ko ari umunsi w’ikiriyo nyuma y’iminsi ine yari ishize habaye igitero cy’ubwiyahuzi mu mujyi wa Oklahoma kigahitana abagera ku 168.

1997: Muri Algeria hakozwe ubwicanyi bwabereye ahitwa Omaria, buhitana abantu 42.

2002: Papa Paul Yohana II yahuriye i Vatican n’abayobozi ba Kiliziya Gatolika bo muri Leta Zunze Ubumwe za Amerika aho baganiraga ku kibazo cy’ihohoterwa rikorerwa abana bataruzuza imyaka y’ubukure bakoreshwa imibonano mpuzabitsina.

2003: U Bushinwa bwafunze amashuri igihe cy’ibyumweru bibiri kubera icyorezo cya virus ya SARS cyari cyibasiye icyo gihugu.

2014: Abantu 60 barapfuye abandi 80 bakomerekera mu mpanuka ya gari ya moshi yabereye muri Repubulika Iharanira Demokarasi ya Congo.

2015: Amashusho ya mbere ni bwo yagejejwe ku rubuga rwa YouTube rwari rwafunguwe ku mugaragaro mu ntangiriro z’uwo mwaka. Ni amashusho yashyizwe hanze na Jawed Karim uri mu batangije urwo rubuga aho yari yayahaye umutwe ugira uti “Me at the zoo.”

2018: Mario Abdo Benitez yatowe nka Perezida wa Uruguay.

2019: Muri Myanmar, abagera kuri 59 bacukuraga amabuye y’agaciro, bagwiriwe n’inkangu bahasiga ubuzima.

2019: Rutahizamu wa Southampton, Shane Long yatsinze igitego cyihuse muri shampiyona y’u Bwongereza, igitego cyinjiye ku isegonda rya 7.69 ubwo bakinaga na Watford.

2019: Muri Malawi hatangiye gukoreshwa urukingo rwa mbere rwa Malaria mu gukingira abana, igikorwa cyatangijwe n’Ishami ry’Umuryango w’Abibumbye ryita ku Buzima, OMS.

2020: Angel Merkel wari Chancelière w’u Budage yatangaje ko icyorezo cya COVID-19 kitari kugana ku musozo ahubwo kikiri mu gihe cy’intangiriro.

Indirimbo na filime byakunzwe

1975: Philadelphia Freedom ya Elton John
1984: Against All Odds ya Phil Colins
2013: Radioactive ya Imagine Dragons
2016: Beyoncé yasohoye alubumu ye ya gatandatu yise “Lemonade“ yasohokanye na filimi imara isaha imwe.
2017: Believer ya Imagine Dragons
2018: Avengers Infinity Wars yasohowe na Marvel.

Bamwe mu bavutse kuri uyu munsi

1185: Umwami Afonso II wa Portugal.

1791: James Buchanan, yabaye Perezida wa 15 wa Leta Zunze Ubumwe za Amerika.

Perezida James Buchanan ni we Perezida rukumbi uturuka mu ntara ya Pennsylvania, ni nawe Perezida rukumbi wa Leta Zunze Ubumwe za Amerika warangije ubuzima bwe adashatse umugore. Gusa mu mibanire y’ubuzima busanzwe mu mwaka wa 1819 yakundanye n’umukobwa witwa Ann Caroline Coleman, uretse ko bamaranye igihe gito, dore uyu Buchanan yakundaga kwita ku mishinga ye ijyanye na politiki cyane.

Bamwe mu batabarutse kuri iyi tariki

1151: Umwamikazi Adeliza w’u Bwongereza.

1616: William Shakespeare, umwanditsi w’Umwongereza.

2007 : Boris Yeltsin, Perezida wa Mbere wayoboye u Burusiya ubwo Leta Zunze Ubumwe z’abasoviyeti zavagaho.

Boris Yeltsin, Perezida wa Mbere wayoboye u Burusiya ubwo Leta Zunze Ubumwe z'abasoviyeti zavagaho.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .