Turi ku wa 22 Kamena 2026.

Ni Umunsi Mpuzamahanga wo kuba uwo uri we no kubyishimira.

Ibi ni bimwe mu byaranze uyu munsi mu mateka

1907: Umuhanda wa gari ya moshi wo munsi y’ubutaka uzwi nka “London Underground” warafunguwe.

1941: U Budage bwa Hitler bwagabye igitero kinini mu mateka butera Leta Zunze Ubumwe z’Abasoviyete bukoresheje abasirikare bagera kuri miliyoni eshatu mu cyiswe “Operation Barbarossa.”

1986: Mu mukino wa ¼ wahuzaga Argentine n’u Bwongereza mu Gikombe cy’Isi, Diego Maradona yatsinze igitego cyitiriwe “Ikiganza cy’Imana”, imikino yarangiye ikipe y’igihugu cye yegukanye igikombe.

2022: Abantu 1000 bishwe n’umutingito muri Afghanistan.

Mu muziki

2009: Chris Brown yahamwe n’icyaha cyo guhohotera Rihanna bakundanaga ahanishwa kumara imyaka itanu ategera hafi y’uyu muhanzikazi, anasabwa gukora amasaha 1400 y’imirimo ifitiye inyungu rubanda.

2023: Umuhanzi Davis D afatanyije na Bulldog na Bushali basohoye indirimbo “Bermuda” yakunzwe n’abatari bake mu Rwanda no hanze yarwo.

Abavutse

1974: Vijay wubatse izina muri sinema y’u Buhinde.

1996: Mikel Merino, Umunya-Espagne ukinira ikipe y’icyo gihugu na Arsenal mu Bwongereza.

Abapfuye

1931: Armand Fallières wabaye perezida wa cyenda w’u Bufaransa.

1993: Pat Nixon, umugore wa Richard Nixon wabaye perezida wa 37 wa Leta Zunze Ubumwe za Amerika.