Turi ku wa 2 Nzeri 2026.

Ni umunsi wa 245 mu minsi igize umwaka. Hasigaye iminsi 120 ngo uyu mwaka ugere ku musozo.

Ibi ni bimwe mu byaranze uyu munsi mu mateka

1998: Jean Paul Akayesu wayoboraga Komini ya Taba mu 1994, yahamwe n’ibyaha 9 bijyanye na Jenoside akatirwa na TPIR gufungwa burundu, ari na we muntu wa mbere wahamijwe jenoside n’uru rukiko rwari i Arusha. Icyo gihe hananzurwa ko gufata ku ngufu n’ihohotera bishobora kuba mu byaha bigize jenoside.

1970: NASA yatangaje ko isubitse ingendo ebyiri zo kujya ku kwezi zari zitiriwe Apollo 15 na Apollo 19.

2008: Google yamuritse uburyo bwo gushakisha amakuru kuri murandasi wifashishije mudasobwa ‘Google Chrome Web Browser.’

2024: Muri Repubulika Iharanira Demokarasi ya Congo hishwe imfungwa 129 hakomeretswa abandi 59 bageragezaga gutoroka Gereza ya Makala iherereye i Kinshasa.

Mu muziki

2021: Jay Polly wafatwaga nk’inkingi mwikorezi muri Hip Hop nyarwanda, yitabye Imana.

Abavutse

1924: Havutse Daniel arap Moi wabaye perezida wa kabiri wa Kenya.

1962: Havutse Keir Starmer, wabaye Minisitiri w’Intebe w’u Bwongereza.

1992: Emiliano Martínez ukina mu izamu mu Ikipe y’Igihugu ya Argentine aho yanamenyekanye mu Bwongereza muri Arsenal, Aston Villa; ubu akaba akinira Chelsea.

Abapfuye

1969: Hapfuye Ho Chi Minh wzabaye perezida wa mbere wa Vietnam.

2023: Nyiramana wamenyekanye muri Seburikoko yitabye Imana azize uburwayi yari amaranye igihe.