Turi ku wa 19 Kamena 2026.

Ni Umunsi Mpuzamahanga wo Kurwanya Ihohotera rishingiye ku gitsina rikorerwa abari mu bice byibasiwe n’intambara.

Ibi ni bimwe mu byaranze uyu munsi mu mateka

2018: Umutwe wa FLN w’ishyaka rya MRCD rya Rusesabagina, wagabye ibitero i Nyaruguru mu murenge wa Nyabimata, abantu batatu bahasiga ubuzima, umunyamabanga mpuzabikorwa w’uwo murenge arakomeretswa ndetse anatwikirwa imodoka.

1903: Umutaliyani Benito Mussolini ufatwa nk’umwe mu banyagitugu babayeho, yatawe muri yombi akurikiranyweho gushoza imyigaragambyo y’abakozi.

1910: Hizihijwe bwa mbere umunsi wahariwe ababyeyi b’abagabo, igikorwa cyabereye i Washington muri Amerika.

1961: Koweït yabonye ubwigenge yigobotora ubukoroni bw’u Bwongereza.

2012: Julian Assange washinze Urubuga rwa WikiLeaks, yasabye ubuhungiro kuri Ambasade ya Equateur mu Bwongereza, nyuma yo gushyira ahagaragara inyandiko zikubiyemo iyicwa ry’abasivili bikozwe n’Ingabo za Amerika.

Mu muziki

2018: Nyuma y’umunsi umwe yishwe arashwe, umuraperi XXXTentacion yaciye agahigo kari karashyizweho na Taylor Swift ko gucuranga indirimbo ze kenshi ku munsi umwe ku rubuga rwa Spotify aho uwo munsi byakozwe inshuro miliyoni 10,4.

Abavutse

1964: Boris Johnson wabaye Minisitiri w’Intebe w’u Bwongereza.

2002: Havutse Nuno Mendes ukina umupira w’amaguru mu ikipe y’igihugu ya Portugal na Paris Saint-Germain mu Bufaransa.

Abapfuye

1993: William Gerald Golding, Umwanditsi w’inkuru ndende, Ikinamico akaba n’Umusizi ukomoka mu Bwongereza, wanahawe Igihembo cyitiriwe Nobel.

2014: Hapfuye Ibrahim Touré, Umunya-Côte d’Ivoire wakinaga umupira w’amaguru akanaba murumuna wa Yaya Touré na Kolo Touré bubatse izina muri uwo mukino.