Tariki ya 17 Kanama

Yanditswe na

SHIKAMA Dioscore

Kuya 17 Kanama 2019 saa 07:38
Yasuwe :
0 0

Tariki 17 Kanama ni umunsi wa magana abiri na mirongo itatu mu minsi igize umwaka, hasigaye iminsi ijana na mirongo itatu n’itanu uyu mwaka ukagera ku musozo.
Bimwe mu byaranze uyu munsi mu mateka
986: Igisirikare cya Byzantine cyasenywe bikomeye n’ingabo za Bulgarian zari ziyobowe na Comitopuli Samuel na Aron.
1943: Mu ntambara ya Kabiri y’isi yose, umutwe wa gisirikare wa Leta Zunze Ubumwe z’Amerika uzwi cyane nka U.S. Seventh Army abatari bake bazi nka United States Army Europe and (...)

Tariki 17 Kanama ni umunsi wa magana abiri na mirongo itatu mu minsi igize umwaka, hasigaye iminsi ijana na mirongo itatu n’itanu uyu mwaka ukagera ku musozo.

Bimwe mu byaranze uyu munsi mu mateka

986: Igisirikare cya Byzantine cyasenywe bikomeye n’ingabo za Bulgarian zari ziyobowe na Comitopuli Samuel na Aron.

1943: Mu ntambara ya Kabiri y’isi yose, umutwe wa gisirikare wa Leta Zunze Ubumwe z’Amerika uzwi cyane nka U.S. Seventh Army abatari bake bazi nka United States Army Europe and Seventh Army wari uyubowe na Generali George S. Patton washinze ibirindiro ahitwa Messina mu gihugu cy’u Butaliyani hashyirwa imbaraga mu gukora itsinda ryari rigamije kurwanya Abanazi, iri tsinda rizwi nka Allied.

1945: Igihugu cya Indonesie cyatangaje ubwigenge bwacyo.

1960: Igihugu cya Gabon cyatangaje ubwigenge bwacyo kibohora ubukoloni bw’Abafaransa.

1969: Inkubi y’umuyaga udasanzwe yibasira amazi wiswe Hurricane Camille wibasiye bikomeye umugezi wa Mississippi uhitana abantu Magana abiri na mirongo ine n’umunani ndetse wangiza ibintu bifite agaciro kagera kuri miliyari imwe n’igice y’Amadorali y’Amerika.

1988: Perezida General Muhammad Zia-ul-Haq wa Pakistan ari kumwe na Arnold Raphel wari uhagarariye inyungu za Leta Zunze Ubumwe z’Amerika muri Pakistan bapfiriye mu mpanuka y’indege.

1998: Perezida wa Leta Zunze Ubumwe z’Amerika Bill Clinton yemeye igikorwa cy’urukozasoni yagize cyo gukorana imibonano mpuzabitsina n’umukozi wakoraga mu bunyamabanga mu biro bya Perezida(White house).

Uyu mugore baryamanye yitwa Monica Lewinsky wari ufite imyaka makumyabiri n’ibiri y’amavuko, uyu munsi kandi yemereye ku mugaragaro ko yari yarabeshye rubanda ku bijyanye n’urukundo rwe rw’ibanga yari afitanye n’uyu mukobwa.

Monica Samille Lewinsky (ibumoso) na Bill Clinton

1999: Umutingito ukomeye wari ku gipimo cya karindwi n’ibice bine ugendeye ku ngero za Richter wibasiye agace ka İzmit muri Turkey, uyu mutingito wahitanye abantu bagera ku bihumbi cumi na birindwi(17,000) ukomeretsa abandi barenga ibihumbi mirongo ine na bine.

2005: Iyi ni itariki ikomeye mu mateka y’igihugu cya Bangladesh, abiyahuzi baturikije ibisasu Magana atanu mu duce dutandukanye tugera kuri Magana atatu mu ntara mirongo itandatu n’eshatu muri mirongo itandatu n’enye zigize iki gihugu buri gisasu cyaturikaga nyuma y’ikindi iminota mirongo itatu bihera saa tanu n’igice.

2008: Michael Phelps yabaye umuntu wa mbere watsindiye imidari umunani ya zahabu ku nshuro imwe y’imikino mpuzamahanga ngororangingo.

Bamwe mu bavutse uyu munsi

1914: Franklin Delano Roosevelt Jr., umuhungu wa Perezida Franklin Delano Roosevelt.

1982: Cheerleader Melissa, umusifuzi wabigize umwuga wo muri Amerika.

Bamwe mu batabarutse uyu munsi

1988: Franklin Delano Roosevelt Jr., umuhungu wa Perezida Franklin Delano Roosevelt.

2010: Francesco Cossiga, wabaye Perezida w’igihugu cy’u Butaliyani.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza