Turi ku wa 15 Kamena 2026.

Ni umunsi Mpuzamahanga w’Umuyaga hazirikanwa akamaro kawo mu gutanga ingufu.

Ibi ni bimwe mu byaranze uyu munsi mu mateka

2025: Umujyi watangiye kwifashisha imodoka ikoropa ikanakora isuku mu rwego rwo kuwusukura by’umwihariko mu mihanda yawo.

1954: Hashinzwe Ishyirahamwe ry’Umupira w’Amaguru ku Mugabane w’u Burayi, UEFA, bikorerwa mu Mujyi wa Bâle mu Busuwisi.

1991: Harutse ikirunga cy’ahazwi nka “Mount Pinatubo” muri Philippines, abantu 800 bahasiga ubuzima ndetse riba iruka ry’ikirunga rya kabiri rikomeye mu kinyejana cya 20.

2001: Abayobozi b’u Bushinwa, u Burusiya, Kazakhstan, Kyrgyzstan, Tajikistan na Uzbekistan bashinze umuryango w’ubukungu bawita “Shanghai Cooperation Organisation.”

2022: Microsoft yahagaritse ikoreshwa rya Internet Explorer nyuma y’imyaka 26 iyisimbuza Microsoft Edge.

Mu muziki

2017: Jay-Z yabaye umuhanzi wa mbere w’umuraperi winjiye mu nzu ndangamateka y’abanditsi b’indirimbo, “Songwriters Hall of Fame”.

Abavutse

1950: Havutse Ferdinand Nahimana washinze Radiyo RTLM, yifashishijwe cyane mu gushishikariza Abahutu gukora Jenoside yakorewe Abatutsi mu 1994.

1954: Havutse Paul Rusesabagina wigeze guhamywa ibyaha by’iterabwoba ku bw’ibitero umutwe yashinze wa MRCD/FLN wagabye mu majyepfo y’uburengerazuba bw’u Rwanda mu 2018 no mu 2019. Uyu munsi yujuje imyaka 70.

1992: Mohamed Salah, Umunyamisiri uzwi mu mupira w’amaguru by’umwihariko mu Ikipe ya Liverpool yubakiyemo ibigwi.

Abapfuye

1993: James Hunt, Umwongereza watwaye shampiyona y’isi mu gusiganwa ku modoka izwi nka Formula One yanamenyekanye mu bukeba hagati ye na Niki Lauda.