Tariki ya 14 Mata

Yanditswe na IGIHE
Kuya 14 Mata 2020 saa 08:37
Yasuwe :
0 0

Ku wa 14 Mata ni umunsi wa 104 mu minsi igize umwaka. Harabura iminsi 261 kugira ngo uyu mwaka ugere ku musozo. Iyi tariki yahuriranye n’uyu munsi inshuro zigera kuri 58 mu myaka 400.

Bimwe mu byaranze iyi tariki mu mateka y’isi

1865: Abraham Lincoln wabaye Perezida wa mbere w’umu-Républicain wayoboye Leta zunze ubumwe za Amerika yarashwe isasu ryo mu mutwe na ‘John Wilkes Booth’ mu Ntara ya Washington D.C yitaba Imana bucyeye bwaho.

1912: Harohamye ubwato bwa Titanic bwamenyekanye cyane mu kinyejana cya 20, buhitana ahagera ku 1500; abana, abagore, abagabo, ndetse n’abandi bantu bari bakomeye icyo gihe babutakarijemo ubuzima.

1920: Leta za Alabama, Tennessee na Mississippi zashegeshwe n’umutingito uvanze n’inkubi y’umuyaga (Tornado) wahitanye abagera kuri 219 abandi benshi barakomereka bikomeye, unangiza imitungo ibarirwa mu mamiliyari.

1991: Repubulika ya Georgia yashyizeho Perezida nyuma y’uko ibonye ubwigenge ibukubuye kuri Leta Zunze Ubumwe z’Aba-soviet.

2014: Boko Haram yashimuse abana b’abakobwa 200 ibakuye mu ishuri rya Chibok muri Nigeria.

2015: Minisitiri w’Intebe wa Iraq, Haidar Al-Abadi yahuye na Perezida wa Leta Zunze Ubumwe za Amerika bagirana ibiganiro byo kureba uko bahashya umutwe wa Islamic State.

Minisitiri w’Intebe wa Iraq, Haidar Al-Abadi

2014: Ibinyamakuru ‘The Guardian’ na ‘Washington Post’ byahawe igihembo cyo kuba byaratangaje bwa mbere inyandiko z’amabanga y’ubutasi bwa Leta Zunze Ubumwe za Amerika zashyizwe ahagaragara na Edward Snowden wahoze akorana n’urwego rw’ubutasi muri iki gihugu.

Abavutse kuri iyi tariki

1336: ‘Go-kogon’, Umwami (emperor) w’u Buyapani
1578 : Philip III, Umwami wa Portugal na Espagne
1958 : Dr. Bonginkosi Emmanuel "Blade" Nzimande, Minisitiri w’Amashuri makuru muri Afurika y’Epfo
1930: William Vanden Heuvel, Ambasaderi wa Amerika muri Loni
1934: Arun Gandhi, Umwuzukuru wa Mahatma Ghandhi waharaniye ubwigenge mu Buhinde.

Abatabarutse kuri iyi tariki

711: Childebert III, Umwami w’u Bufaransa yatabarutse afite imyaka 27
911: Sergius III, wabaye Papa wamaze imyaka 7 ku buyobozi
1993: Sam Ntombani, Umunyamabanga w’Ishyaka rya ANC muri Afurika y’Epfo yiciwe Soweto arashwe.
2014: ‘Roland Issif Alhassan’, yabaye Ambasaderi wa Ghana mu Budage


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .