Turi ku wa 12 Gicurasi 2026

Ni Umunsi Mpuzamahanga w’Abaforomo.

Ibi ni bimwe mu byaranze uyu munsi mu mateka

1994: Abatutsi bari barahungiye mu rusengero rwa ADEPR i Nyabisindu, muri Gitarama (mu karere ka Muhanga y’ubu), bose barishwe.

1978: Inyeshyamba zafashe agace ka Katanga muri RDC gakungahaye ku mabuye y’agaciro, zisaba ko Amerika, u Bufaransa n’u Bubiligi byatanga amahoro muri ako gace kakagenzurwa na bene ko.

2008: Abantu ibihumbi 69 bahitanywe n’umutingito mu Bushinwa.

2010: Ku Kibuga Mpuzamahanga cy’Indege cya Tripoli muri Libya, impanduka y’indege yahitanye abantu 103 mu 104 bari muri iyo ndege.

2015: Umutingito wahitanye abantu 218 muri Nepal abandi 3.500 barakomereka.

Mu muziki

2013: Abajura batoboye inzu biba arenga miliyoni y’ama-rand akoreshwa muri Afurika y’Epfo (Arenga miliyoni 130 Frw) yari yavuye mu kugurisha amatike mu gitaramo cya Justin Bieber cyari cyaraye kibereye i Johannesburg.

Abavutse

1980: Rishi Sunak wabaye Minisitiri w’Intebe w’u Bwongereza kuva mu 2022 kugeza mu 2024.

1988: Marcelo wubatse izina mu binyuma mu ikipe ya Real Madrid n’iy’igihugu ya Brésil.

1997: Frenkie de Jong, Umuholandi ukinira FC Barcelone n’ikipe y’igihugu cy’u Buholandi.

Abapfuye

1981: Benjamin Sheares, wabaye perezida wa kabiri wa Singapour.

2017: Mauno Koivisto wabaye perezida wa cyenda wa Finlande.