Tariki 22 Ukuboza

Yanditswe na IGIHE
Kuya 22 Ukuboza 2018 saa 10:30
Yasuwe :
1 0

Uyu ni umunsi wa 356 mu minsi igize umwaka wa 2017, hasigaye icyenda gusa kugira ngo uyu mwaka urangire. Uyu munsi ntabwo ukunze kubaho ari ku wa Gatanu nk’uko byagenze muri uyu mwaka kuko akenshi wabaga ari ku wa Kabiri, ku wa Kane no ku wa Gatandatu.

Bimwe mu bitazapfa kwibagirana mu byaranze uyu munsi:

-  Mu Rwanda: Ku wa 22 Ukuboza 1904 havutse Bigirumwami Aloys, Umunyarwanda n’Umunyafurika wa mbere wagizwe Bishop na Papa Pius XII, mu gihe cy’ingoma mbiligi muri Afurika.

Musenyeri Bigirumwami Aloys

-  Mu 401 ni bwo Innocent I yatorewe kuba Umushumba wa Kiliziya Gatolika ku Isi.

-  Mu 1808, uwamenyekanye nk’imbarutso y’umuziki w’ubu Ludwig van Beethoven yamuritse symphonie (ikirumbeti) ye ya gatanu mu zigera ku icyenda yamenyekanyemo.

-  Mu 1917 mu gihe cy’Intambara ya Mbere y’Isi, habaye ibiganiro by’amahoro hagati y’u Burusiya n’u Budage, byabereye mu Mujyi wa Brest-Litovsk wo muri Belarus hafi y’umupaka wa Pologne.

-  Mu 1941 mu gihe Intambara ya Kabiri y’Isi yacaga ibintu, Winston Churchill wari Minisitiri w’Intebe w’u Bwongereza yagiranye ibiganiro by’amahoro n’uwari Perezida wa Leta Zunze Ubumwe za Amerika, Flanklin Delano Roosevelt.

-  Mu 1971 ni bwo umudipolomate w’Umunya-Australia, Kurt Wald Heim yatorewe kuyobora Umuryango w’Abibumye, UN.

-  Mu 1900 ni bwo bwa mbere na mbere umukiliya wanamenyekanye mu by’amasiganwa y’imodoka, Umunya-Australia Emil Jellinek yabimburiye abandi kugezwaho imodoka ya mbere yo mu bwoko bwa Mercedes.

Abavutse kuri uyu munsi:

-  Mu mwaka wa 244, Umuromani wabaye umunyagitugu cyane Gaius Aurelius Diocletianus Augustus ni bwo yavutse.

-  Mu 1178 havutse uwiyitaga Umwami w’abami w’u Buyapani, Antoku.

-  Mu 1876, Philippo Tommaso Marinetti, umusizi akaba n’umwanditsi wari ufite ubwenegihugu bwa Misiri n’ubw’u Butaliyani ni bwo yavutse.

Abatabarutse:

-  Mu 1969, uwabaye Perezida wa 45 wa Bolivia, Enrique Penaranda del Castllo ni bwo yatabarutse.

-  Mu 2009, Albert Joseph Scanlon wabaye icyamamare mu mukino w’umupira w’amaguru by’umwihariko mu ikipe y’Igihugu y’u Bwongereza no muri Manchester United ni bwo yatabarutse.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .