00:00:00 IGIHE NETWORK KN KINYARWANDA EN ENGLISH FR FRANCAIS

Tariki 19 Ukwakira

Yanditswe na

SHIKAMA Dioscore

Kuya 19 Ukwakira 2021 saa 06:00
Yasuwe :
0 0

Tariki 19 Ukwakira ni umunsi wa 293 mu minsi igize umwaka, hasigaye iminsi 73 uyu mwaka ukagera ku musozo.
Uyu munsi Kiliziya Gatolika irizihiza Mutagatifu Paul de la Croix, Isaac-Antoine.
Bimwe mu byaranze uyu munsi mu mateka
1789: John Jay yarahiriye kuba umuyobozi w’ubutabera wa mbere wa Leta Zunze Ubumwe za Amerika.
1912: U Butaliyani bwigaruriye Tripoli muri Libya, buyambuye ubwami bwa Ottoman.
1921: Minisitiri w’Intebe wa Portugal António Granjo ari kumwe n’abandi banyapolitiki (...)

Tariki 19 Ukwakira ni umunsi wa 293 mu minsi igize umwaka, hasigaye iminsi 73 uyu mwaka ukagera ku musozo.

Uyu munsi Kiliziya Gatolika irizihiza Mutagatifu Paul de la Croix, Isaac-Antoine.

Bimwe mu byaranze uyu munsi mu mateka

1789: John Jay yarahiriye kuba umuyobozi w’ubutabera wa mbere wa Leta Zunze Ubumwe za Amerika.

1912: U Butaliyani bwigaruriye Tripoli muri Libya, buyambuye ubwami bwa Ottoman.

1921: Minisitiri w’Intebe wa Portugal António Granjo ari kumwe n’abandi banyapolitiki biciwe ahitwa Lisbon.

1933: U Budage bwakuwe mu muryango w’Abibumbye.

1943: Streptomycin, wabaye umuti wa mbere uvura indwara y’igituntu wavumbuwe bwa mbere. Uyu muti wavumbuwe n’abashakashatsi bo muri Kaminuza ya Rutgers University.

1944: Ingabo za Leta Zunze Ubumwe Ubumwe za Amerika zashinze ibirindiro muri Philippines.

1950: U Bushinwa bwinjiye mu ntambara yibukwa mu mateka nka Korean War, u Bushinwa bwohereje ibihumbi by’ingabo zambutse umugezi wa Yalu zijya guhangana n’ingabo z’umuryango w’Abibumbye.

1950: Leta Zuze Ubumwe za Amerika n’u Buyapani byashyize umukono ku masezerano yasoje intambara yahuzaga ibihugu byombi, iyi ntambara yari yaratangiye mu 1945.

1974: Niue yatangiye kwiyobora, yigobotora ubukoloni bwa New Zealand.

1986: Samora Machel, wari Perezida wa Mozambique, umuyobozi wa FRELIMO (Liberation Front of Mozambique) n’abandi bantu 33 baguye mu mpanuka y’indege yitwa Tupolev, yaguye ku musozi wa Lebombo.

2003: Mama Teresa yashyizwe mu batagatifu bahawe na Papa Yohani Pawulo wa II.

2005: Saddam Hussein yagejejwe mu rukiko ashinjwa gukora ibyaha byo kwica uburenganzira bw’ikiremwamuntu.

Bamwe mu bavutse uyu munsi

1967: Amy Carter, umukobwa wa Perezida wa Leta Zunze Ubumwe za Amerika, Jimmy Carter.

1982: Louis Oosthuizen, umukinnyi wa golf ukomoka muri Afurika y’Epfo.

Bamwe mu batabarutse uyu munsi

1986: Samora Machel, wabaye Perezida wa Mozambique.

Samora Machel

2003: Alija Izetbegović, wabaye Perezida wa Bosnia-Herzegovinia.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .