Urwego rwa Ukraine rushinzwe umutekano n’iperereza, SBU, ryasobanuye ko ibi bitero bya drones byiswe “Operation Spider’s Web” byagabwe ku kigo cya gisirikare cya Olenya hafi y’umujyi wa Murmansk ndetse na Belaya mu ntara ya Irkutsk, ku wa 1 Kamena 2025.

Uru rwego rwasobanuye ko ibi bitero byasenye indege 34% z’u Burusiya zirasa misile, zifite agaciro kabarirwa kuri miliyari 7 z’Amadolari. Muri izo havugwamo A-50, Tu-95 ndetse na Tu-22M.

Perezida Zelensky, mu ijambo yagejeje ku baturage, yasobanuye ko muri ibi bitero hifashishijwe drones 117 kandi ngo byateguriwe iruhande rw’urwego rw’u Burusiya rushinzwe umutekano n’iperereza, FSB.

Yagize ati “Uyu munsi, ku butaka bw’umwanzi hakorewe operaziyo nziza, yibasiye gusa ibikorwa bya gisirikare, cyane cyane ibikoresho byifashishwaga mu kurasa muri Ukraine. U Burusiya bwahuye n’igihombo gikomeye, gifite ishingiro kandi bwari bukwiye.”

Uyu Mukuru w’Igihugu yavuze ko gutegura ibi bitero byamaze umwaka n’igice, kandi ko hamwe no kubishyira mu bikorwa byagenze neza cyane. Ati “Bikwiye kuvuganwa icyizere ko iyi operasiyo yihariye.”

Bivugwa ko drones zarashe izi ndege zari mu Burusiya, zimwe zari zihishe mu bisenge by’inzu bifungurwa na ‘telecommande’ ndetse no ku makamyo.

Ukraine yagabye iki gitero nyuma yo gushinja u Burusiya kuyigabaho ibitero bya drones 472 ndetse n’imbunda zirasa kure, aho yasobanuye ko yahanuyemo drones 385.

Ibitero ku bihugu byombi bivuzwe mu gihe ababihagarariye bateganya guhurira mu biganiro by’amahoro bitaziguye, muri Turukiya kuri uyu wa 2 Kamena 2025.

Ibi biganiro byatangiye mu kwezi gushize, bigizwemo uruhare na Perezida Recep Tayyip Erdoğan wa Turukiya.

Holy shit, Ukraine is right now carrying out an unprecedentedly large operation to destroy multiple Russian strategic bombers at air bases across Russia.

Over 40 Russian aircraft have been reportedly targeted within a short period.

This is unprecedented. pic.twitter.com/mnL7XhGj4Q

— Illia Ponomarenko 🇺🇦 (@IAPonomarenko) June 1, 2025

Umwotsi mwinshi wazamutse ahari haparitse indege z'intambara z'u Burusiya