00:00:00 IGIHE NETWORK KN KINYARWANDA EN ENGLISH FR FRANCAIS

Zambia: Yatewe ikimwaro gikomeye n’uburyo u Rwanda ruri hejuru muri ICT kurenza igihugu cye

Yanditswe na

Kayonga J.

Kuya 5 Ugushyingo 2015 saa 06:56
Yasuwe :

Umuyobozi wo mu ishyaka United Party for National Development [UPND]​ ​ ritavuga na Leta muri Zambia,Charles Kakoma yatangaje ko biteye ikimwaro gikomeye kubona igihugu nk’u Rwanda cyari cyarashegeshwe n’intambara mu myaka ya za 1990 kuri ubu gifite ibikorwaremezo by’ikoranabuhanga [ICT] biteye imbere kurenza iby’igihugu cye cyaranzwe n’amahoro ibihe byose.

Mu itangazo rigenewe itangazamakuru yashyize ahagaragara nyuma y’amakuru yakomeje gucicikana mu binyamakuru byo muri Zambia yerekanaga ukuntu abanyeshuri bo mu wa gatatu w’amashuri yisumbuye muri iki gihugu byasabye ko bategereza kugera hafi saa sita z’ijoro kugirango babashe gukora ikizamini mu birebana na ICT bitewe n’ubucye bwa za mudasobwa, Charles Kakoma yagarutse ku kuntu yigeze kugira inama ishyaka riri ku butegetsi Patriotic Front [PF] rikazirengaza.

Muri Zambia mu gihe cyashize leta yafashe icyemezo cyo gutangiza gahunda y’amasomo arebana n’ikoranabuhanga ku munyeshuri wese muri icyo gihugu, gusa ntihagurwa ibikoresho bihagije kugirango bishyirwe mu bikorwa uko bikwiye.

Muri iryo tangazo Kakoma yagize ati "Patriotic Front yakomeje gukinisha ejo hazaza h’abana bacu bo hirya no hino mu gihugu kugera aho bakora ibizamini rimwe na rimwe kugeza mu masaha yo mu gicuku nta n’amafunguro bafashe. Ni gute twasaba abana bacu kubona amanota meza mu gihe bakora ibizamini byabo bahunyiza?"

Yakomeje ati "Mbega ikimwaro kubona igihugu nk’u Rwanda, cyashegeshwe n’intambara muri za 1990, kuri ubu gisigaye gikataje mu bikorwaremezo birebana n’ikoranabuhanga kurusha igihugu cyabayeho mu mahoro ibihe byose nka Zambia."

Ishyaka UPND ni rimwe mu yatavuga rumwe n’ubutegetsi mu gihugu cya Zambia ahagarariwe mu nteko ishinga amategeko y’icyo gihugu.

Ikimwaro ni cyose kuri Charles Kakoma nyuma yo kubona ukuntu u Rwanda rwari rwarashigeshwe n'intambara muri za 1990 kuri ubu rwarakataje mu ikoranabuhanga kurenza igihe cye cya Zambia

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .