Wikileaks yashyize amabanga yayo yose ahagaragara

Yanditswe na Dufitumukiza Salathiel
Kuya 8 Mutarama 2021 saa 07:40
Yasuwe :
0 0

Urubuga Wikileaks ruzwiho kumena amabanga rwamaze gushyira inyandiko zarwo zose ahagaragara, zirimo izo Hillary Clinton yagiye yandikirana n’abandi mu ibanga kandi zirebana n’akazi.

Uru rubuga rwakunze kuregwa gushyira ahagaragara amabanga y’ibihugu bikomeye, rwamenyekanye cyane mu 2010 ubwo rwashyiraga hanze amashusho agaragaza ingabo za Leta Zunze Ubumwe za Amerika zirasa abaturage muri Afghanistan.

Kuri ubu rwashyize hanze ubutumwa butandukanye bw’ibanga bwanditswe na Hillary Clinton wabaye umunyamabanga wa Leta zunze Ubumwe za Amerika, ubwo yari akiri mu nshingano.

Si amabanga ya Clinton yashyizwe ku karubanda gusa kuko harekuwe n’aya John McCain wahoze ahagarariye Leta ya Arizona muri Sena ya Amerika, yemera ko yagize uruhare mu ituritswa ry’amato mu 2017 muri Singapore.

Irasa ryakozwe na mudahusha wa FBI mu mujyi wa LasVegas mu 2019 n’urwandiko rw’umwe mu bashinze Apple, Steve Jobs, rugaragaza ko afite virusi itera SIDA, na byo biri mu byagaragarijwe abakoresha internet.

Wikileaks yeretse abayikurikira ibyagizwe ibanga mu nama ngarukamwaka ihuza u Burayi na Amerika y’Amajyaruguru, iby’abakozi ba CIA bafunzwe bashinjwa gufata ku ngufu n’ uko Ishami ry’Umuryango w’Abibumbye ryita ku buzima, OMS ryakoze mu bihe by’icyorezo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .