Uyu mugabo w’imyaka 45 witwa Muhamed Soliman yaketsweho gutera ibisasu bitwika mu kivunge cy’ababantu bigaragambyaga mu rwego rwo kwifatanya n’imfungwa zafashwe na Hamas.

BBC yanditse ko ahagana saa Saba z’amanywa uyu mugabo yari afite ibisasu mu maboko yombi atangira ku bitera mu bantu avuga ngo ‘mubohore Palestine’.

Muhamad Soliman ni umunya-Misiri wageze muri Amerika afite ibyangombwa ariko mu 2022 viza ye irarangira.

Abakomerekejwe bari mu kigero cy’imyaka 52 na 88 barimo abagabo bane n’abagore bane bahise bajyanwa kwa muganga.

Ikigo gishinzwe iperereza muri Amerika (FBI), cyatangaje ko iki gitero gifatwa nk’icyaha gishingiye ku rwango ariko ari n’igikorwa cy’iterabwoba.

Imyigaragambyo yo kwifatanya n’imfungwa zafashwe na Hamas muri Leta ya Colorado iba buri cyumweru.

Inzego z'umutekano zahise zitangira iperereza