Ubwo bari bamaze kurwigarurira, abo bajura bagize bati “Isi imaze guhaga amakuru y’ibinyoma akwirakwizwa buri munsi na Perezida Donald J Trump,"

Kwigarurira urwo rubuga byamaze igice cy’isaha, buba nyuma y’uko abashinzwe umutekano muri Leta Zunze Ubumwe za Amerika batangaje ko hari amatsinda arimo gukora uko ashoboye agamije kudobya amatora.

Umuvugizi w’ibikorwa byo kwamamaza Trump, Tim Muraugh, yavuze ko nta makuru yibwe kandi n’urubuga barusubiranye.

Ubutumwa bwatambukijwe kuri urwo rubuga kandi bwari burimo amakuru asesereza Perezida Trump, bunasaba inkunga kuri konti ebyiri zifasha mu koherezanya amafaranga ukoresheje ikoranabuhanga mu buryo bugoye gukurikirana (Monero Cryptocurrency accounts).

Ibi bikorwa bibayeho mbere y’iminsi mike ngo habe amatora ya Perezida wa Leta Zunze Ubumwe za Amerika, ateganyijwe ku wa 3 Ugushyingo 2020.

Abakandida bitezweho guhatana cyane ni Donald Trump ukeneye manda ya kabiri, na Joe Biden uhagararoye ishyaka ry’aba-democrates.

Urubuga rwa Perezida Trump rwibwe rukoreshwa mu gutanga amakuru amurwanya