Urubanza rwa Donald Trump rugiye kujya ruba imbonankubone kuri Televiziyo

00:00:00 IGIHE NETWORK

KINYARWANDA

ENGLISH

FRANCAIS

Urubanza rwa Donald Trump rugiye kujya ruba imbonankubone kuri Televiziyo

Yanditswe na Idukunda Kayihura Emma Sabine

Kuya 1 September 2023 saa 01:42

Yasuwe :

Yavuzweho:

Byamaze kumenyekana ko iburanishwa ry’uwahoze ari Perezida wa Leta Zunze Ubumwe za Amerika Donald Trump ku cyaha akurikiranweho cyo gushaka kuburizamo ibyavuye mu matora yatsinzwemo mu 2020, rizatambutswa imbonankubone kuri televiziyo

Umucamanza mu rukiko rwa Fulton aho Trump azaburanira, yemeje ko urubanza rwe tariki 4 Werurwe 2024 ruzatambuka imbonankubone.

Trump areganwa n’abandi bantu 19, bose bakaba bakurikiranweho kugira uruhare mu gushaka kubangamira ibyavuye mu matora mu 2020, aho nka Trump aregwa kuba yarahamagaye uwari ukuriye amatora muri Georgia mu 2020 akamusaba kumwibira amajwi asaga ibihumbi 11.

Mu bandi bareganwa na we harimo uwahoze ari umunyamategeko we Rudy Giuliani, akaba akurikiranweho kuba umwe mu bafashije Trump gushaka amajwi yatuma atsinda mu matora ya 2020 ubwo yari ahanganye na Joe Biden.

Ibi byaha Trump aregwa ni ibintu adahwema guhakana avuga ko ari ibirego bitizwa umurindi n’impamvu zishingiye kuri politiki.

Trump agiye kuburanishwa mu gihe yiteguraga kongera kwiyamamariza kuyobora Leta Zunze Ubumwe za Amerika mu matora ateganyijwe mu 2024.