Uyu mugabo w’imyaka 38, witwa Jeanine John Taele, yafashwe ku Cyumweru, tariki ya 2 Kanama 2026, mu kibuga cya Trump National Golf Club giherereye i Rancho Palos Verdes, hafi ya Los Angeles.
Uyu mugabo yateye amakenga abantu nyuma yo kugaragara azenguruka muri icyo kibuga, afata amafoto n’amashusho, ari na ko yakurikiraniraga hafi ibikorwa byo gutegura umutekano w’uruzinduko rwa Trump.
Ubwo yafatwaga, mu mufuka w’ipantalo ye yasanganywe amasasu 16. Mu modoka ye kandi hafatiwemo imbunda nto yari irimo amasasu n’andi masasu.
Abashinzwe umutekano, bafatanyije n’Urwego rwa FBI rushinzwe kurwanya iterabwoba, bakomereje iperereza mu rugo rw’uyu mugabo ruherereye i Downey, mu nkengero za Los Angeles.
Dosiye y’uyu mugabo yashyikirijwe Ubushinjacyaha bwa Los Angeles kugira ngo harebwe ibyaha ashobora gukurikiranwaho.
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!