00:00:00 IGIHE NETWORK KN KINYARWANDA EN ENGLISH FR FRANCAIS

Umugore wakoraga akazi k’isuku muri hoteli yatorewe kuba Umudepite mu Bufaransa

Yanditswe na Mugisha Christian
Kuya 20 June 2022 saa 12:04
Yasuwe :

Rachel Keke yatorewe kuba umwe mu badepite bagize Inteko Ishinga Amategeko y’u Bufaransa ahagarariye agace ka Val-de-Marne. Yagize amajwi 50,3% ahigika uwigeze kuba Minisitiri wa Siporo, Roxana Maracineanu.

Uyu mugore yinjiye mu Nteko ku itike y’ihuriro Nouvelle Union populaire écologique et sociale (NUPES) rya Jean-Luc Mélenchon.

Maracineanu bari bahanganye yabaye Minisitiri wa Siporo mu 2020, we yagize amajwi 49,7%.

Rachel Keke yavukiye muri Côte d’Ivoire, yimukira mu Bufaransa mu 2000 ubwo yari afite imyaka 26.

Yahawe ubwenegihugu bw’u Bufaransa mu 2015. Yakoze imirimo itandukanye irimo no gutunganya imisatsi y’abagore, akazi ko mu rugo no gukora isuku muri hoteli mu gihe kirenga imyaka 15.

Yagiye agaragara mu bikorwa bigamije guharanira uburenganzira bw’abakozi baciriritse no gusaba ko imishahara yabo fatizo yazamurwa ari nabyo byatumye ashaka kuba umudepite kugira ngo yumvikanishe ijwi ryabo.

Mu 2019 hamwe n’abagore bagera kuri 20 biganjemo abimukira baturutse muri Afurika yo munsi y’ubutayu bwa Sahara, Keke yayoboye imyigaragambyo yamagana gufatwa nabi mu kazi anasaba ko bakongererwa imishahara.

Rachel Keke wari umukozi ukora amasuku muri hoteli, yatorewe kuba umudepite mu Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .