00:00:00 IGIHE NETWORK KN KINYARWANDA EN ENGLISH FR FRANCAIS

Umugore wa Justin Bieber yamuvuze ibigwi

Yanditswe na Bukuru JC
Kuya 18 Nzeri 2021 saa 07:36
Yasuwe :
0 0

Hailey Bieber, umugore w’umuhanzi Justin Bieber, yanyomoje amakuru yavugaga ko umugabo we amufata nabi, aboneraho kugaragaza ko uburyohe bw’urukundo afitanye n’uyu mugabo w’imyaka 27, ‘rwuzuye kandi rubanyuze bombi.’

Hailey usanzwe yerekana imideli, yatangiye kubana na Justin Bieber mu 2018, nyuma y’uko uyu muhanzi yari amaze igihe anyura mu bihe byaranzwe no gukoresha ibiyobyabwenge, ibintu byanagize ingaruka zikomeye ku mwuga we w’ubuhanzi.

Mu rukundo rw’aba bombi, bakunze kujya bashyira hanze amafoto bigaragara ko bishimye, icyakora bagakunda kuvugwaho kutabana neza, ndetse byigeze kuvugwa cyane ko Justin Bieber afata Hailey w’imyaka 24.

Mu kiganiro yahaye Demi Lovato nawe uri mu bahanzi bakunzwe muri Amerika, Hailey yavuze ko urukundo rwe na Bieber ruhagaze neza kandi rukura buri munsi.

Yagize ati “Ngira amahirwe yo kubana n’umuntu unyubaha cyane, agatuma buri munsi numva ndi umuntu udasanzwe. Rero iyo mbonye ibyo abantu batuvugaho, birantangaza, buri wese utuzi azi ko ari uko bimeze.”

Justin Bieber yakunze kumvikana avuga ko Hailey yagize uruhare rufatika mu gufasha uyu mugabo kongera kubaka ubuzima bufite intego, nyuma yo kumara igihe kinini yarabaswe n’ibiyobyabwenge ‘byageze ubwo yumvaga ashobora kwitaba Imana’.

Justin na Hailey Bieber batangiye kubana mu 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .