00:00:00 IGIHE NETWORK KN KINYARWANDA EN ENGLISH FR FRANCAIS

Ukraine yahakanye gupfusha abasirikare 600

Yanditswe na Bukuru JC
Kuya 8 Mutarama 2023 saa 10:40
Yasuwe :

Ukraine yahakanye amakuru aherutse gutangazwa n’u Burusiya, ko abasirikare bayo basaga 600 bishwe.

U Burusiya bwatangaje ko igisasu cyabwo cyishe abasirikare basaga 600 ba Ukraine mu Mujyi wa Kramatorsk, cyatewe kigamije kwihimura ku cyo Ukraine yateye mu ntangiriro z’uyu mwaka, kigahitana abasirikare benshi b’u Burusiya.

Umuvugizi w’Igisirikare cya Ukraine, Serhiy Cherevaty, yabihakanye avuga ko ari icengezamatwara ry’u Burusiya rivuga ibinyoma.

U Burusiya bwo buvuga ko inyubako igisasu cyateweho zari zicumbikiye abasirikare ba Ukraine basaga 1300, bityo ko abasaga 600 bahaguye.

Ntabwo icyo gihugu cyatanze ishingiro ry’iyo mibare y’abapfuye kuri uyu wa Gatandatu, tariki ya 7 Mutarama 2022.

Ukraine yahakanye ibyo gupfusha abasirikare 600

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .