U Bwongereza: Umwana w’imyaka itanu yapfuye azize Coronavirus

Yanditswe na Twarabanye Venuste
Kuya 5 Mata 2020 saa 07:58
Yasuwe :
0 0

Minisiteri y’Ubuzima mu Bwongereza yatangaje ko umwana w’imyaka itanu y’amavuko yapfuye azize Coronavirus, bikaba bikekwa ko yaba ari we wa mbere muto uzize icyo cyorezo.

Uwo mwana ni umwe mu bandi bantu 708 batangajwe ku wa Gatanu bamaze kwicwa n’icyo cyorezo mu bo cyagaragayeho mu Bwongereza.

Minisitiri Michael Gove yabitangaje mu kiganiro gihabwa abanyamakuru buri munsi muri icyo gihugu, aho yanavuze ko abakozi barindwi mu rwego rw’ubuzima bapfuye bazize Coronavirus.

Ati “Twifatanyije n’umuryango w’umwana w’imyaka itanu wari ufite ibibazo by’ubuzima wapfuye mu buryo bubabaje.”

Muri rusange mu Bwongereza abantu basaga ibihumbi 41 bamaze kwandura coronavirus. Abamaze gupfa ni 4313 naho abakize ni 135.

Minisitiri Gove yavuze imashini zongerera umwuka abarwayi amagana ziri gukorwa buri munsi, izindi zatumijwe mu mahanga.

Umwana w'imyaka itanu wapfuye ni uwa mbere uzize coronavirus akiri muto

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .