00:00:00 IGIHE NETWORK KN KINYARWANDA EN ENGLISH FR FRANCAIS

U Bwongereza: 5 bakekwaho uruhare muri jenoside bashobora koherezwa mu Rwanda

Yanditswe na

IGIHE

Kuya 3 Ugushyingo 2014 saa 11:13
Yasuwe :
0 0

Urukiko rw’Ikirenga mu Bwongereza muri iki cyumweru ruzafata umwanzuro niba Abanyarwanda 5 bakurikiranyweho kugira uruhare muri jenoside yakorewe Abatutsi bazoherezwa kuburanishirizwa mu Rwanda.
Aba bagabo ni Vincent Bajinya, Celestin Ugirashebuja, Charles Munyaneza, Emmanuel Nteziryayo na Celestin Mutabaruka, bose bakurikiranyweho ibyaha byibasiriye inyokomuntu ndetse n’uruhare muri jenoside yakorewe Abatutsi muri Mata 1994.
Nk’uko byatangajwe na The Independent, aba bagabo batawe muri (...)

Urukiko rw’Ikirenga mu Bwongereza muri iki cyumweru ruzafata umwanzuro niba Abanyarwanda 5 bakurikiranyweho kugira uruhare muri jenoside yakorewe Abatutsi bazoherezwa kuburanishirizwa mu Rwanda.

Aba bagabo ni Vincent Bajinya, Celestin Ugirashebuja, Charles Munyaneza, Emmanuel Nteziryayo na Celestin Mutabaruka, bose bakurikiranyweho ibyaha byibasiriye inyokomuntu ndetse n’uruhare muri jenoside yakorewe Abatutsi muri Mata 1994.

Nk’uko byatangajwe na The Independent, aba bagabo batawe muri yombi muri Gicurasi umwaka ushize, kuri ubu bakaba barajuririye icyemezo cyo koherezwa mu Rwanda, aho ngo batizeye ubutabera.

Urukiko rw'Ikirenga rw' u Bwongereza

Abatangabuhamya bashinjura mu rubanza rwo kohereza aba bagabo mu Rwanda bari basabye ko batanga ubuhamya bwabo mu ibanga, ariko umucamanza mu rukiko rwa Westminster atera utwatsi ubusabe bwabo, avuga ko byaba ari agakabyo no kubogama, mu gihe haba humviswe uruhande rumwe gusa.

Byari byitezwe ko umwanzuro w’urubanza rwabo umenyekana mu Kwakira umwaka ushize ariko byaje gukerezwa kubera impamvu zinyuranye.

Ugirashebuja w’imyaka 60 y’amavuko atuye Essex, Munyaneza ufite imyaka 55 ubarizwa Bedford, Bajinya, 52 abarizwa London na Nteziryayo nawe w’imyaka 60, wabanaga n’umuryango we i Manchester, bose bari babanje gutabwa muri yombi muri 2006, urubanza rwabo ruza gusa n’uruhagarara, bikomereza ubuzima bwabo bisanzwe.

Mutabaruka w’imyaka 57 utuye Ashord we yatawe muri yombi ku nshuro ya mbere umwaka ushize. Ni umupasiteri mu itorero rimwe ryo mu gace atuyemo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .