00:00:00 IGIHE NETWORK KN KINYARWANDA EN ENGLISH FR FRANCAIS

U Buyapani: Umugabo yitwikiye imbere y’ibiro bya Minisitiri w’Intebe

Yanditswe na Rosine Ingabire
Kuya 21 September 2022 saa 08:12
Yasuwe :

Umugabo yitwikiye hafi y’ibiro bya Minisitiri w’Intebe w’u Buyapani, yinubira umwanzuro Guverinona iherutse gufata wo gukora ikiriyo mu mpera z’uku kwezi cya Shinzo Abe wahoze wari Minisitiri w’Intebe.

Ibinyamakuru byo mu Buyapani byatangaje ko uwo mugabo yinaze mu muriro kuri uyu wa Gatatu, nyuma akaza kujyanwa kwa muganga ari ibisebe gusa. Byavuzwe ko n’umupolisi wagerageje kuzimya umuriro yahakomerekeye.

Hafi y’uwo mugabo bahasanze ibaruwa igaragaza ko atari ashyigikiye ko Abe akorerwa ikiriyo.

Shinzo Abe wahoze ari Minisitiri w’Intebe w’u Buyapani yishwe arashwe tariki 8 Nyakanga ubwo yari mu bikorwa byo kwamamaza ishyaka rye LDP.

Biteganyijwe ko imihango yo kumusezeraho izaba tariki 27 Nzeri i Tokyo, mu muhango uzitabirwa n’abasaga 6000.

Uwahitanye Abe avuga ko yamujijije ko ishyaka rya LDP ryashinjwaga imikoranire n’umuryango wa gikiristu witwa Unification Church ashinja kuba warakenesheje mama we, kubera imigenzo yawo itavugwaho rumwe.

Abashinzwe umutekano bahagobotse bajyana uwo mugabo witwitse kwa muganga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .