00:00:00 IGIHE NETWORK KN KINYARWANDA EN ENGLISH FR FRANCAIS

U Bushinwa bwatanze umuburo w’intambara kuri Amerika

Yanditswe na Bukuru JC
Kuya 11 June 2022 saa 08:46
Yasuwe :

Minisitiri w’Ingabo w’u Bushinwa, Wei Fenghe, yatangaje ko mu gihe agace ka Taiwan kashaka kwigenga, ‘nta yandi mahitamo u Bushinwa buzaba busigaranye uretse intambara yo kurengera ubusugire bw’icyo gihugu.’

Uyu muyobozi yabitangaje mu kiganiro yagiranye na mugenzi wa Amerika, Lloyd Austin, aho yavuze ko gukoresha Taiwan mu rwego rwo guca intege u Bushinwa bitazashoboka, ashimangira ko ubushobozi bwo kuburizamo ibyo bikorwa buhari.

Yagize ati “Taiwan ni Taiwan y’u Bushinwa…[Umugambi wo] gukoresha Taiwan mu guca intege u Bushinwa ntuzashoboka.”

Hagati aho, Austin nawe ntabwo yaviriyemo aho kuko yabwiye mugenzi we ko u Bushinwa bugomba “guhagarika ibikorwa biteza umutekano muke kuri Taiwan.”

Nyuma yo kubonana na mugenzi we, Austin yabwiye abandi bayobozi bari bitabiriye inama y’umutekano iri kubera muri Singapore, ko ‘Amerika idateganya kugabanya ibikorwa bya gisirikare ikorera mu nyanja iri hafi y’u Bushinwa.’

Mu minsi ishize, ubwo Perezida Joe Biden wa Amerika yari mu Buyapani, yavuze ko nta kabuza igihugu cye cyiteguye gutabara agace ka Taiwan igihe kagabwaho igitero n’u Bushinwa, kandi ubu butabazi bukaba bwaba bugizwe no kohereza ingabo muri ako gace, bishobora kurangira ibaye iya gatatu y’Isi.

Minisitiri w’Ingabo w’u Bushinwa, Wei Fenghe, yatangaje ko biteguye gushoza intambara igihe Taiwan yashaka kwigenga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .