Chen Dong, Chen Zhongrui na Wang Jie bagiye mu isanzure muri Mata 2025. Byari biteganyijwe ko bacyurwa n’icyogajuru cya Shenzhou-20 kuri uyu wa 5 Ugushyingo ariko gahunda yasubitswe bitunguranye.

Mbere y’uko iyi gahunda isubikwa, Chen Dong yari yatangaje ko yamaze guha itsinda ribasimbura urufunguzo rwa sitasiyo y’u Bushinwa iri mu isanzure.

Dong yagize ati “Tugiye kugaruka ku Isi, ubu ndi gutanga urufunguzo nk’ikimenyetso cy’uko ntanze uburenganzira bwo gukomeza ibikorwa kuri iyi sitasiyo y’u Bushinwa mu isanzure.”

Umuhango wo guhererekanya urufunguzo rwa sitasiyo y’u Bushinwa mu isanzure watambutse kuri televiziyo y’igihugu, CCTV.

Iki kigo cyatangaje ko cyasubitse iyi gahunda mu rwego rwo kubungabunga umutekano wabo, kandi ko cyatangiye gukora isesengura ku bibazo iki cyogajuru gishobora guteza, gusa nticyasobanuye igihe cyiteze kubonera igisubizo.

Muri Mata 2025, aba Bashinwa babanje kwerekwa itangazamakuru mbere yo kujya mu isanzure

Gahunda yo kubacyura yasubitswe kubera impungenge z'uko icyogajuru cyari kubacyura cyangiritse