U Burusiya: Umuvugizi wa Perezida yasanzwemo Coronavirus

Yanditswe na Twarabanye Venuste
Kuya 12 Gicurasi 2020 saa 10:49
Yasuwe :
0 0

Umuvugizi wa Perezida w’u Burusiya, Dmitry Sergeyevich Peskov, yatangaje ko yasanzwemo Coronavirus akaba ari kuvurirwa mu Bitaro biri mu Mujyi wa Moscow.

Peskov yabwiye Ibiro Ntaramakuru by’Abarusiya, Interfax, ko yajyanywe mu bitaro avuga ko “Yego nibyo, narwaye ubu ndi kuvurwa.”

Peskov w’imyaka 52 y’amavuko, nta byinshi yatangaje ku bijyanye n’uko amerewe.

Ntabwo bizwi neza igihe, Peskov aheruka kubonanira na Perezida Vladimir Putin, wishyize mu kato kuva muri Mata iwe mu rugo i Moscow.

Ni icyemezo yafashe nyuma yo gusura ibitaro bivura Coronavirus by’i Moscow agahura n’umuganga ubihagarariye, nyuma uwo muganga akaza kugaragaraho Coronavirus.

Umuvugizi wa Perezida Vladimir Putin agaragayeho icyo cyorezo mu gihe mu mpera za Mata, Minisitiri w’Intebe w’u Burusiya Mikhail Mishustin yagiye mu bitaro na we amaze gusangwamo coronavirus.

Kuri uyu wa 12 Gicurasi 2020, u Burusiya nicyo gihugu cyagize abantu benshi banduye ku Isi bagera ku 10 899; gikurikirwa n’u Bwongereza bwagize 3 403 na Leta Zunze Ubumwe za Amerika zagize 2,921.

U Burusiya ubu bufite abantu 232243 banduye Coronavirus, barimo 2 116 yahitanye naho 43512 barayikize.

Umuvugizi wa Perezida w’u Burusiya, Dmitry Peskov, yajyanywe mu bitaro kubera Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .