Umuvugizi w’igisirikare cya Ukraine kirwanira mu kirere, Yuriy Ignat, yavuze ko u Burusiya bwarashe kuri Ukraine drones 267, aho 138 zahagaritswe n’ubwirinzi bw’igisirikare kirwanira mu kirere naho izindi 119 zaburiwe irengero, ndetse ntabwo zigeze zigira icyo zangiza.

Inzego z’ubutabazi zavuze ko hari drones zimwe zaba zaciye mu rihumye zikangiza byinshi mu bice bitandukanye muri iki gihugu.

Iki gitero cy’u Burusiya kibaye mu gihe huzuye imyaka itatu iyi ntambara ihanganishije ibi bihugu bibiri itangiye.

Nta makuru arajya hanze avuga abantu bapfiriye muri ibi bitero, ariko imibare yatangajwe n’inzego z’ubutabazi igaragaza ko byibura abantu batatu ari bo bakomeretse.

Ku rundi ruhande, Minisiteri y’Ingabo y’u Burusiya yatangaje ko Ukraine na yo yaraye irashe drones 20 ku gihugu cyabo, ari ko zahise ziburizwamo n’ubwirinzi bw’icyo gihugu.

U Burusiya bwarashe muri Ukraine drones 267 mu ijoro rimwe