Iki gisasu cyageregerejwe ku kirwa cyitiriwe Abdul Kalam bivugwa ko gishobora kuraswa mu ntera irenga kirometero 1,500.

Ikigo gishinzwe ubushakashatsi mu by’umutekano mu Buhinde (DRDO) cyatangaje ko igerageza ryakozwe ryagenze neza.

Iki gisasu cyakozwe n’inzobere za DRDO mu mujyi wa Hyderabad ku bufatanye n’abafatanyabikorwa batandukanye.

Minisitiri w’Ingabo mu Buhinde, Rajnath Singh, yishimiye iri gerageza, avuga ko ari intambwe ikomeye ishyira u Buhinde mu bihugu bike bifite ikoranabuhanga rihanitse mu by’intwaro.

Ku rwego mpuzamahanga, u Burusiya, u Bushinwa, na Leta Zunze Ubumwe za Amerika ni byo bihugu byateye imbere cyane mu gukora ibi bisasu bigendera ku muvuduko udasanzwe.