Abahinde batangiye kwiga muri Amerika mu mwaka w’amashuri wa 2023/2-24 bageze kuri 331,600 aho biyongereyeho 23% ugereranyije n’abari batangiye kwiga muri icyo gihugu mu mwaka w’amashuri wari wabanje.

Abashinwa biga muri Amerika bo bageze ku 289,526 aho ari wo mubare muke w’abanyeshuri b’Abashinwa wakiriwe muri kaminuza zo muri Amerika nibura kuva mu 2012/2013. Uyu mubare kandi wakomeje kugabanuka kuva mu 2019.

Ibi bijyana n’impungenge z’umubano ukomeje kuzamo agatotsi hagati y’u Bushinwa na Amerika ndetse no kuba kaminuza zo muri iki gihugu nazo zikomeje gutera imbere ku buryo ubumenyi bwahoze buri muri Amerika bushobora no kuboneka mu Bushinwa, bityo ababyeyi ntibirirwe bishyura amafaranga menshi bajyana abana babo kwiga mu mahanga.

Ku rundi ruhande, u Buhinde buherutse guca ku Bushinwa nk’igihugu gituwe cyane kurusha ibindi ku Isi kandi benshi mu baturage bacyo bakaba urubyiruko, dore ko 40% by’Abahinde bose bari munsi y’imyaka 25.

Abanyeshuri bo mu Buhinde bakomeje kwerekana ubushake bwo kwiga muri Leta Zunze Ubumwe za Amerika