U Bufaransa: Hadutse imyigaragambyo nyuma y’umwarimu wishwe akaswe umutwe

Yanditswe na Tuyishimire Raymond
Kuya 19 Ukwakira 2020 saa 01:15
Yasuwe :
0 0

Kuri iki Cyumweru abigaragambya bazengurutse mu mijyi itandukanye y’u Bufaransa, bamagana urupfu rwakorewe umwarimu wigishaga amateka, Samuel Paty, ku kigo cya Saint-Honorine giherereye mu Majyaruguru ashyira Uburengerazuba bw’Umujyi wa Paris.

Ni urupfu rwabaye mu ijoro ryo ku wa Gatanu w’iki Cyumweru gishize aho yishwe akaswe umutwe.

Uyu mwarimu yishwe nyuma y’aho yaganirije abanyeshuri be ku bishushanyo bigaragaza intumwa y’Imana, Muhammad. Uwamwishe yari umusore w’imyaka 18 wasakuzaga ngo “Allah Akbar”, aho Perezida Macron yahise atangaza ko ari igitero cy’iterabwoba cyagabwe n’abantu bagendera ku matwara y’idini ya Islam.

Mu mijyi itandukanye mu Bufaransa, hahise haduka imyigaragambyo, yamagana ubu bugizi bwa nabi. Yabereye i Lyon, Toulouse, Strasbourg, Nantes, Marseille, Lille na Bordeaux.

Minisitiri w’Uburezi, Jean-Michel Blanquer na Minisitiri Marlène Schiappa ufite ibijyanye n’ubwenegihugu mu nshingano ze, bagaragaje ko bashyigikiye leta mu gufasha abarimu kwerekana ibitekerezo byabo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .