Bayrou yabigarutseho nyuma yaho umunya-Algeria uba mu Bufaransa yishe umuntu amuteye icyuma ndetse agakomeretsa abapolisi batatu mu mujyi wa Mulhouse wo mu Burasirazuba bw’u Bufaransa.

Ubwo Bayrou yaganiraga n’abanyamakuru yavuze ko ibyabaye ari ibintu bibabaje kandi ngo uwabikoze hari hamaze kugeragezwa inshuro 14 bashaka kumusubiza mu gihugu cye akabyanga.

Ati “Amahano yakorewe muri Mulhouse yabaye kubera uyu muturage ukomoka muri Algerie wari utegereje ko bamwohereza mu gihugu cye kandi twagerageje kubikora inshuro 14 zose barabyanze.”

Amasezerano yo mu 1968 hagati ya y’u Bufarnsa na Algerie yasinywe nyuma y’imyaka itandatu iki gihugu cyo kibonye ubwigenge ku Bufaransa, akaba yorohereza abaturage bo muri Algerie kujya no gutura mu Bufaransa.

Abayobozi batandukanye bo mu Bufaransa bagiye basaba ko aya masezerano yakongera gusubirwamo kubera iki gihugu gikomeza kwanga kwakira abaturage birukanywe mu Bufaransa

Guverinoma y'u Bufaransa yatangaje ko amasezerano ajyanye n'abimukira bafitanye na Algerie ashobora guhagarara