Ibi byavuzwe n’umuvugizi w’iyi Minisiteri ku wa 7 Mata 2025, nkuko ikinyamakuru cya Handelsblatt cyabitangaje.

Umuvugizi iyi Minisiteri yabwiye Handelsblatt ko ibi bigiye gukorwa kubera ibibazo by’umutekano mucye bimaze iminsi bigaragara.

Yagize ati “Bitewe n’ibibazo by’umutekano biherutse kuba, hakwiye gushyirwa imbaraga mu kwigisha abaturage ibikorwa byo kwitabara, harimo no mu mashuri.”

Yavuze ko abanyeshuri bakwiye guhabwa imyitozo nk’andi masomo yo mu ishuri, ndetse n’ababyeyi bagashishikarizwa gutangira kubika ibintu by’ibanze byifashishwa mu butabazi mu ngo zabo.

Igisirikare cy’u Budage kivuga ko gishingiye ku makuru gifite u Burusiya bushobora kugaba ibitero ku bihugu byo mu muryango wa OTAN mu myaka ine cyangwa irindwi iri imbere.

U Burusiya bwagiye buvuga kenshi ko nta gahunda yo gutera NATO bufite, gusa ibihugu biba muri uyu muryango bikomeje kwitegura intambara no kwerekana ko bitizeye ibyo u Burusiya buvuga.

Abanyeshuri bo mu Bugade bagiye gutangira gutozwa uko bakwitwara mu bihe by'intambara