Twitter yahagaritse konti ya Donald Trump imusaba gusiba ubutumwa bwe bwose butaboneye

Yanditswe na Ntabareshya Jean de Dieu
Kuya 7 Mutarama 2021 saa 10:23
Yasuwe :
0 0

Ubuyobozi bw’urubuga nkoranyambaga rwa Twitter rwafashe umwanzuro wo guhagarika konti ya Perezida wa Leta Zunze Ubumwe za Amerika, Donald Trump amasaha 12 kubera kunyuzwaho ubutumwa bushinjwa kubiba urwango.

Ni umwanzuro wafashwe nyuma y’uko kuri uyu wa Gatatu ubwo abagize Inteko Ishinga Amategeko muri Amerika bari bateranye ngo bemeze intsinzi ya Joe Biden, Trump yanditse ubutumwa ku rukuta rwe rwa Twitter busa n’ubuhamagarira abamushyigikiye kwigaragambya.

Aya magambo ya Trump yaje akurikira igikorwa cy’abamushyigikiye cyo kwinjira mu Nteko Ishinga Amategeko mu gisa n’imyigaragambyo. Trump yasaga n’ubashyigikiye mu gihe ibyo bakoze binyuranyije n’amategeko.

Yagiz ati “Ibi n’ibyo bikorwa biba igihe intsinzi mu matora yibwe mu buryo budasobanutse. Abakunda igihugu bihebuje kandi bafashwe nabi by’igihe kirekire. Musubirane mu rugo urukundo n’amahoro. Mwibuke uyu munsi iteka ryose.”

Twitter yahise isiba ubu butumwa bwa Trump ndetse n’ubundi yagiye yandika mu bihe bitandukanye, itangaza ko yahagaritse konti ye mu gihe cy’amasaha 12 kubera kunyuranya n’amahame asanzwe agenga uru rubuga nkoranyambaga.

Twitter yasabye Trump gusiba mu buryo bwa burundu ubu butumwa ndetse n’ubundi bwe bwose butaboneye, atabikora konti ye igakomeza gufungwa ndetse yaba akomeje kugaragaza imyitwarire nk’iyi konti ye ikazasibwa burundu.

Bumwe mu butumwa bwagaragaraga kuri koniti ya Twitter ya Donald Trump bwasibwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .