00:00:00 IGIHE NETWORK KN KINYARWANDA EN ENGLISH FR FRANCAIS

Türkiye yaburijemo uruzinduko rwa Minisitiri w’Ingabo wa Suède

Yanditswe na Rosine Ingabire
Kuya 22 Mutarama 2023 saa 09:05
Yasuwe :

Türkiye yaburijemo uruzinduko rwa Minisitiri w’Ingabo wa Suède, nyuma y’aho icyo gihugu cyemeye ko hakorwa imyigaragambyo yamagana Türkiye.

Suède iherutse guha uruhushya abigaragambya bamagana uburyo Türkiye yanze ko Suède yinjira mu muryango w’ubutabarane wa NATO. Ni imyigaragambyo yabaye kuri uyu wa Gatandatu.

Muri iyo myigaragambyo kandi hatwitswe igitabo gitagatifu cya Quran, ibintu byarushijeho kurakaza Türkiye.

Yahise isaba Suède gukora ibishoboka byose abagize uruhare muri urwo rugomo bakabiryozwa, no guhagarika urwango rushingiye ku idini rwagaragajwe na bamwe mu bigaragambije.

Kubera iyo mpamvu, Türkiye yahise ihagarikwa uruzinduko Minisitiri w’Ingabo wa Suède Pal Jonson, yateganyaga kugirira muri icyo gihugu tariki 27 Mutarama 2023.

Türkiye yatangaje ko ntacyo urwo ruzinduko rwaba rumaze mu gihe igihugu cye kiri kwibasirwa muri Suède.

Suède yari imaze iminsi yinginga Türkiye, ngo ihagarike kwitambika ubusabe bwayo na Finland bwo kwinjira muri NATO.

Ishinja ibyo bihugu guha urwaho abarwanya ubutegetsi bwayo, ku buryo mbere yo gutora icyo cyemezo, bigomba kubanza gukemura ibibazo bafitanye.

Abigaragambya bangije ifoto ya Perezida wa Türkiye ndetse banatwika Quran

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .