Trump yohererejwe ibaruwa irimo uburozi bw’ikibonobono

Yanditswe na Umwali Zhuri
Kuya 20 Nzeri 2020 saa 10:50
Yasuwe :
0 0

Ibaruwa irimo uburozi bw’imbuto z’ikibonobono igenewe Perezida wa Leta Zunze Ubumwe za Amerika, yafashwe n’abashinzwe umutekano ubwo yari igiye koherezwa mu Biro bye.

Mu ntangiriro z’iki Cyumweru nibwo iyi baruwa yabonywemo uburozi ubwo yagenzurwaga kugira ngo yemererwe kwinjira muri White House nk’ubutumwa bugenewe umukuru w’igihugu.

Nyuma y’igenzura nibwo byaje kwemezwa ko iyi baruwa irimo uburozi bw’imbuto z’icyatsi cyitwa ricin, kizwi nk’ikibonobono mu Kinyarwanda.

Nta kintu na kimwe ubuyobozi bwa Trump buratangaza kuri aya makuru gusa FBI yatangiye iperereza ifatanyije n’umutwe ushinzwe kurinda Umukuru w’Igihugu, Secret Service, bashaka kumenya aho iyi baruwa yari iturutse ndetse no kureba niba nta yandi mabaruwa bimeze kimwe yoherejwe mu iposita.

Hari umuyobozi umwe wo muri Amerika wabwiye New York Times ko bakeka ko iyi baruwa yari iturutse muri Canada. Polisi ya Canada yatangaje ko iri gukorana na FBI mu iperereza kuri iyi baruwa “iteye inkeke yoherejwe muri White House”.

Bivugwa ko uburozi bw’ikibonobono bwangiza umuntu uburiye ku buryo agira aruka, akavira imbere ndetse ingingo ze zimwe ntizikore neza. Nta muti uzwi ushobora kuvura ubu burozi.

Umuntu uriye ubu burozi ashobora gupfa nibura mu gihe cy’amasaha 36 na 72 mu gihe atitaweho n’abaganga.

Iyo baruwa yafashwe ubwo yari iri kugenzurwa mbere yo kwinjizwa mu Biro by'Umukuru w'Igihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .