00:00:00 IGIHE NETWORK KN KINYARWANDA EN ENGLISH FR FRANCAIS

Trump yanze gusubiza ibibazo by’ubushinjacyaha

Yanditswe na Bukuru JC
Kuya 10 August 2022 saa 07:03
Yasuwe :

Donald Trump wahoze ayobora Leta Zunze Ubumwe za Amerika yanze gusubiza ibibazo by’ubushinjacyaha ubwo yitabaga ku iperereza ku bucuruzi bw’umuryango we.

Trump yitabye ubushinjacyaha kuri uyu wa Gatatu mu mujyi wa New York. Ashinjwa kuba ikigo cye Trump Organization cyaragiye kinyereza imisoro kibinyujije mu gutanga amakuru atari yo ku gaciro k’imitungo.

Donald Trump yateye utwatsi ibyo ashinjwa, avuga ko ari impamvu za politiki.

Nyuma yo kwitaba ubushinjacyaha kuri uyu wa Gatatu, Trump yasohoye itangazo yamagana iryo perereza nkuko BBC yabitangaje.

Ati “Hashize igihe kandi miliyoni nyinshi z’amadolari zaratikiye kuri ibi bintu biteye isoni ariko ntacyo bagezeho. Nanze gusubiza ibibazo byabo nshingiye ku burenganzira mpabwa n’Itegeko Nshinga.”

Bibaye nyuma y’iminsi urwego rw’iperereza (FBI) rusatse inyubako ya Trump iherereye muri Florida izwi nka Mar-a-Lago. Icyakora iri saka ryo ryari rigendanye n’ibindi akekwaho byo gutunga inyandiko zirimo amabanga akomeye.

Ubushinjacyaha bwa New York bwari bwarasabye ko Trump, umukobwa we Ivanka n’umuhungu we Donald Trump Jr barahizwa bagahatwa ibibazo ku byo kunyereza imisoro. Babanje kubyanga ariko muri Gashyantare uyu mwaka umucamanza wo muri New York yarabyemeje bitangira gukorwa.

Ubushinjacyaha bwa Amerika buherutse gutangaza ko iperereza barimo ku bucuruzi bw’umuryango wa Trump rigiye kugera ku musozo. Ntabwo biramenyekana niba nirisozwa hari umwanzuro wo kumukurikirana uzafatwa.

Trump yatangaje ko yanze gusubiza ibibazo by'ubushinjacyaha i New York

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .