00:00:00 IGIHE NETWORK KN KINYARWANDA EN ENGLISH FR FRANCAIS

Putin yagaragaje uko idolari rikomeje kugana aharindimuka

Yanditswe na Bukuru JC
Kuya 8 September 2022 saa 11:53
Yasuwe :

Perezida w’u Burusiya, Vladimir Putin yasabye ibihugu bitandukanye gutangira kubika amadovize yabyo mu mafaranga atari amadolari cyangwa andi y’i Burayi, kuko yamaze gutakarizwa icyizere.

Yabitangaje kuri uyu wa Gatatu ubwo yitabiraga inama yiga ku bukungu izwi nka Eastern Economic Forum yabereye mu mujyi wa Vladivostok.

Yagize ati “Ibihugu by’i Burayi na Amerika byashwanyaguje ubwabyo umusingi w’uko ubukungu bw’isi bwari buteye. Nta cyizere abantu bagifitiye amadolari, amayero cyangwa amapawundi nk’amafaranga bifuza gucuruzanyamo cyangwa se kubikamo ubutunzi bwabo.”

Putin yavuze ko imyitwarire ya Amerika n’u Burayi ikomeje gutuma ibihugu byinshi birimo n’u Burusiya bihindura ububiko bw’amadovize yabyo, nk’uko Russia Today yabitangaje.

Ati “Gahoro gahoro turi gutandukana n’ikoreshwa ry’aya mafaranga utakwishingikirizaho. N’abitwaga inshuti za Amerika, imibare igaragaza ko bari kugabanya umubare w’amafaranga bari babitse mu madolari. Nk’ejo hashize Gazprom (ikigo gicuruza gaz) n’abafatanyabikorwa bacyo bo mu Bushinwa bemeranyije ko bazajya bishyura gaz igice kimwe mu ma-Yuan ikindi mu ma-roubles.”

Putin yavuze ko amafaranga y'Abanyamerika n'u Burayi ageze aharindimuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .