00:00:00 IGIHE NETWORK KN KINYARWANDA EN ENGLISH FR FRANCAIS

Putin yagereranyije ibihano by’ibihugu by’Iburengerazuba nk’umutego mutindi

Yanditswe na Uwabeza Hussein
Kuya 7 September 2022 saa 09:47
Yasuwe :

Perezida w’u Burusiya Vladmir Putin yatangaje ko ibihano igihugu cye gifatirwa bishyira mu kaga ubuzima bw’abatuye isi bose muri rusange ariko ngo abanyaburayi bo bashegeshwa cyane na byo.

Mu ijambo yagezaga ku bitabiriye inama yiga ku bukungu i Vladivostok, Putin yavuze ko igihugu cye kirimo kugerageza guhangana n’ibyo we yita kurengera akorerwa n’ibihugu byo mu burengerazuba bw’Isi.

Putin avuga ko ngo ibi bihugu biri gutanga ubuzima bw’abaturage babyo mo ibitambo ngo kuko abakene batakinabasha kubona ibibatunga.

Yongeyeho ko ngo u Burayi burimo kurigisa ingano ziva muri Ukraine ku buryo ibihugu bikennye ntacyo bikuramo.

Kuva intambara yo muri Ukraine yatangira muri Gashyantare ubu u Burusiya bugenzura hafi kimwe cya gatanu by’iki gihugu, buvuga ko kuva bafungura ibyambu ngo ubwato bubiri bw’ibinyampeke ari bwo bwonyine bwerekeje muri Afurika ibintu Putin we abona ko byagakwiye guhinduka.

Ibihugu byo mu burengerazuba ntibihwema gufatira ibihano by’ubukungu haba u Burusiya, abashoramari b’abarusiya ndetse n’ibigo bikomeye bifite aho bihuriye n’iki gihugu, ibintu byatumye u Burusiya nabwo bufata ingamba ziremereye nko gufunga gaz n’ibikomoka kuri peteroli byoherezwaga mu Burayi.

Ni ibintu byatumye ibiciro mu Burayi bitumbagira ndetse bituma mu cyumweru gishize inama y’abaminisitiri bo mu muryango w’ubumwe bw’u Burayi iterana ngo yige kuri ibi bibazo.

Putin yavuze ko ibihugu byo mu burengerazuba ngo biba bishaka gucengeza amatwara yabyo mu bindi buhugu.

Ati: “Ibigo byinshi byihutiye gufunga imiryango yabyo mu Burusiya, ariko ubu turimo kubona ukuntu imirimo irimo kubura mu Burayi ndetse n’ukuntu ibigo bifunga umusubirizo”.

Putin kandi avuga ko kuri ubu amadolari, amayero ndetse n’ama-pounds ngo biri gutakaza agaciro mu maso y’abantu kandi ngo nyamara u Burusiya bwo ntacyo buhomba.

Putin yavuze ko ibihano afatirwa n'u Burayi bibugiraho ingaruka nyinshi cyane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .