00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame yashimangiye uburyo ikoranabuhanga ryahaye abagore ijambo

Yanditswe na

Deus Ntakirutimana

Kuya 29 Ukwakira 2014 saa 11:07
Yasuwe :
0 0

Perezida wa Repubulika y’u Rwanda, Paul Kagame yatangarije Isi uruhare rw’ikoranabuhanga mu kuzamura imibereho y’abagore, rinabafasha kugaragaza ibibi byabakorerwaga, asaba ko ryakomeza gutezwa imbere.
Uru ruhare, Umukuru w’Igihugu yarugarutseho ubwo hasozwaga inama ya 19 y’umuryango mpuzamahanga ushinzwe ibijyanye n’ikoranabuhanga n’itumanaho ku Isi (ITU), imaze iminsi ibera muri Koreya y’Epfo.
Mu muhango wo guhemba abagore babaye indashyikirwa mu guteza imbere ikoranabuhanga (GEM-TECH Awards) (...)

Perezida wa Repubulika y’u Rwanda, Paul Kagame yatangarije Isi uruhare rw’ikoranabuhanga mu kuzamura imibereho y’abagore, rinabafasha kugaragaza ibibi byabakorerwaga, asaba ko ryakomeza gutezwa imbere.

Uru ruhare, Umukuru w’Igihugu yarugarutseho ubwo hasozwaga inama ya 19 y’umuryango mpuzamahanga ushinzwe ibijyanye n’ikoranabuhanga n’itumanaho ku Isi (ITU), imaze iminsi ibera muri Koreya y’Epfo.

Mu muhango wo guhemba abagore babaye indashyikirwa mu guteza imbere ikoranabuhanga (GEM-TECH Awards) wateguwe n’ishami rya Loni ryita ku bagore UN Women wasoje iyi nama, Perezida Kagame yavuze ko nk’ u Rwanda rwishimira gushyigikira iterambere ry’ikoranabuhanga mu bijyanye n’uburinganire.

Yasabye kandi abahembwe, gukomeza kugira ingaruka nziza ku bandi, babikesha ibi bihembo. Yagaragaje kandi akamaro k’ibyo abagore bagezeho mu ikoranabuhanga;

”Byatumye abakobwa bigirira icyizere mu bijyanye n’ubumenyi n’ikoranabuhanga. Byafashije kuzamura ibijyanye n’ubuzima. Byahaye abagore bo mu cyaro gutura neza mu buryo bugezweho. Byashyize ku karubanda umuco wo guceceka ihohoterwa ryakorerwaga abagore.”

Umukuru w’Igihugu yagarutse ku buryo abagore bitabiriye iri koranabuhanga bikaziba icyuho cyagaragaraga hagati y’abagabo n’abagore muri ryo nyamara gushyigikira uburinganire ari uburyo burambye bwo guha ikiremwamuntu agaciro.

Mu Rwanda usanga abagore barahagurukiye gukoresha ikoranabuhanga. Iyo hagize uhohoterwa ashobora gukoresha telefoni ahamagara inzego zimutabara n’izimurenganura.

Muri uyu muhango hahembwe abagore barindwi babaye indashyikirwa.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .