00:00:00 IGIHE NETWORK KN KINYARWANDA EN ENGLISH FR FRANCAIS

Palestine: Umugore wa mbere yabonye permis yo gutwara imodoka zihinga

Yanditswe na Rosine Ingabire
Kuya 29 Nzeri 2022 saa 12:21
Yasuwe :

Bwa mbere mu mateka ya Palestine, umugore yahawe uruhushya rwo gutwara imodoka (permis), rumwemerera gutwara izizwi nka tracteurs zifashishwa mu mirimo itandukanye nk’ubuhinzi, ubwubatsi n’indi.

Uru ruhushya rwahawe Etihad Ayyad, umugore w’imyaka 50 akaba afite abana batandatu.

Ibiro Ntaramakuru by’Abashinwa, Xinhua byatangaje ko Ayyad utuye mu mujyi wa Yeriko, asanzwe ari umuhinzi we n’umugabo we.

Uyu mugore ukorera ubuhinzi ku butaka bwa hegitari eshatu, yavuze ko amaze imyaka 20 ari umuhinzi ariko yagorwaga no gusarura ndetse no gutwara umusaruro we.

Yagize ati “Nari nkeneye uruhushya rwo gutwara iriya modoka ngo nyifashishe mu kugeza umusaruro w’ubuhinzi bwanjye mu mijyi itandukanye ya Palestine.”

Nubwo uyu mugore avuga ko abaturanyi babanje kumuseka, kuri ubu ngo yabaye icyitegererezo cya benshi dore ko akorera amafaranga atunga umuryango we harimo n’umugabo we.

Ati “Kuri ubu nahaye akazi abagore umunani baza kumfasha mu mirimo ubusanzwe abagabo bakora. Kugeza ubu ndi umuhamya w’uko nta mwuga wahariwe abagabo gusa.”

Uyu mugore w'abana batandatu yavuze ko yishimiye kuba abonye uruhushya rwo gutwara iyi modoka
Etihad Ayyad yamaze guhabwa permis ye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .