Abaturage 32 nibo baguye mu gitero cyagabwe mu n’abitwaje intwaro mu majyaruguru y’Uburasirazuba bwa Nigeria, mu gace ka Gasmuri, abagera ku 185 biganjemo abagore barashimutwa kuri uyu wa kane tariki ya 18 Ukuboza 2014.
Inkuru y’ikinyamakuru Le monde cyandikirwa mu Bufaransa, ivuga ko abashimuswe bajyanwe mu ishyamba rya Sambisa.
Ukuriye aba barwanyi muri aka gace, Usman Kakani, we yatangarije Ibiro Ntaramakuru by’Abafaransa AFP, ko batwaye abagera 191 biganjemo abana n’abagore, bose bakuwe muri aka gace ka Gasmuri gahana imbibi na Cameroun.
Boko Haram ntirigamba iki gitero, ariko niyo ikekwa nk’umutwe wakunze guteza umutekano muke muri Nigeria kuva mu 2009, ukaba wari uherutse no gutwara abana b’abakobwa bagera kuri 200 muri Mata y’uyu mwaka wa 2014.
Boko-Haram yabaye ihurizo rikomeye kuri leta ya Nigeria. Mu gitondo cyo ku wa 18 Ukuboza, Nigeria yatangaje ko yamaze gukatira abasirikare bayo 54, kubera gutinya abarwanyi ba Boko-Haram ku rugamba.
TANGA IGITEKEREZO