Mu Bushinwa hongeye gupfa umuntu azize Covid-19

Yanditswe na Muhonzire Sylvine
Kuya 14 Mutarama 2021 saa 01:10
Yasuwe :
0 0

Kuri uyu wa 14 Mutarama, Inzego z’Ubuzima mu Bushinwa zatangaje ko hari umuntu wahitanywe na Covid-19, mu gihe hari hashize amezi umunani nta mpfu nshya z’iki cyorezo ziboneka muri iki gihugu.

Inzego z’ubuzima muri iki gihugu zatangaje ko nyakwigendera yakomokaga mu Ntara ya Hebei gusa ntizagira andi makuru menshi zishyira hanze kuri we.

Muri Mata 2020 nibwo umuntu wa nyuma yaherukaga kwicwa na Covid-19 mu Bushinwa.

Nyuma y’igihe nta bantu benshi bandura Covid-19 mu Bushinwa, kuri ubu iki cyorezo gisa n’icyatangiye kongera ubukana cyane cyane mu Ntara ya Heilongjiang ihana imbibi n’u Burusiya.

Kubera ubwiyongere bw’ubwandu bwa Covid-19 muri iyi ntara, Leta yafashe icyemezo cy’uko ntawe uyituye wemerewe kuyirenga, ndetse abo mu Mujyi wa Suihua bashyizwe muri Guma mu rugo.

Umubare w’abanduye Covid-19 mu Bushinwa urenga ibihumbi 87, mu gihe abamaze kwitaba Imana nabo barenga ibihumbi bine.

Nyuma y'amezi umunani mu Bushinwa hongeye kuvugwa urupfu rwa Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .