Minisitiri w’intebe w’u Buyapani yeguye

Yanditswe na Iradukunda Serge
Kuya 28 Kanama 2020 saa 10:50
Yasuwe :
0 0

Minisitiri w’intebe w’u Buyapani,Shinzo Abe yatangaje ko yeguye kuri izi nshingano kubera impamvu z’uburwayi.

BBC ivuga ko Minisitiri Abe yahisemo kwegura kubera ko adashaka ko uburwayi bwe buvangira inshingano asanganywe zo gufata ibyemezo anasaba imbabazi Abayapani kubera ko adashoboye kurangiza manda ye.

Uyu mugabo yeguye ku nshingano ze kubera uburwayi bw’urungano ngogozi buzwi nka ‘ulcerative colitis’ amaranye iminsi.

Ubu burwayi bwa Shinzo bwakomeje kumubera imbogamizi ndetse mu gihe kitageze ku cyumweru akaba yaragagaye kabiri ajya mu bitaro bya ‘Keio University Hospital’.

Abe yeguye mu gihe nta masaha menshi ashize ibinyamakuru byo hirya no hino ku Isi bitangiye gushyira hanze inkuru zigaragaza ko ashobora kwegura. Bimwe mu byo ibi binyamakuru byashingiragaho n’uko hari umuyobozi mukuru mu ishyaka rya Liberal Democratic Party (LDP) ari naryo Minisitiri Abe abarizwamo wari watangarije CNN ko yamaze gusaba gusezera ku nshingano yari arifitemo.

Abe amaze imyaka hafi umunani ari Minisitiri w’Intebe aho yagiye ahangana n’ibibazo bikomeye byagiye byibasira igihugu cye birimo imitingito, Tsunami n’iturika rya nuclear ryabaye mu 2011. Uretse ibi yagize n’uruhare rukomeye mu kuzamura ubukungu bw’iki gihugu.

Minisitiri w’Intebe w’u Buyapani, Shinzo Abe yeguye kubera impamvu z'uburwayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .