Austin yavuze ko hatangiye gahunda yo gushakisha abo yaba yarahuye nabo kugira ngo nabo bipimishe.

Mu bo uyu mugabo yaherukaga guhura nabo harimo na Perezida Joe Biden aho bahuye tariki 21 Ukuboza 2021, kandi bukeye bwaho nibwo yatangiye kwiyumvamo ibimenyetso bya Covid-19, nkuko CNN yabitangaje.

Biteganyijwe ko azakomeza kuba ari mu rugo mu gihe cy’iminsi itanu akurikiza amabwiriza y’inzego z’ubuzima muri Amerika.

Austin yavuze ko nubwo ari mu kato, azakomeza kwitabira inama z’ingenzi zikorwa hifashishijwe ikoranabuhanga.

Uyu muyobozi yavuze ko abaganga be bamumenyesheje ko afite amahirwe menshi yo kutarembywa na Covid-19 kubera ko yakingiwe byuzuye akanahabwa urukingo rushimangira mu Ukwakira umwaka ushize.

General Lloyd Austin yanduye Covid-19